నాలుగేళ్ల విద్యే స్థానికతకు కీలకం.
తెలంగాణలో వైద్య విద్య ప్రవేశాలకు సంబంధించిన లోకల్ రిజర్వేషన్పై సుప్రీంకోర్టు మరోసారి స్పష్టత ఇచ్చింది. ఎంబీబీఎస్ అర్హత పరీక్షకు ముందు తెలంగాణలో వరుసగా నాలుగేళ్లు చదివిన విద్యార్థులకే స్థానిక రిజర్వేషన్ వర్తిస్తుందని స్పష్టం చేసింది. స్థానిక రిజర్వేషన్ల అమలు రాష్ట్రపతి ఉత్తర్వులకు అనుగుణంగానే ఉండాలని పేర్కొంది. ఈ నిబంధనను సవాలు చేస్తూ అంకిత దాఖలు చేసిన పిటిషన్ను జస్టిస్ పి.ఎస్.నరసింహ నేతృత్వంలోని ధర్మాసనం కొట్టివేసింది. గతంలో జస్టిస్ బి.ఆర్.గవాయ్ నేతృత్వంలోని ధర్మాసనం ఇచ్చిన తీర్పును తాజా నిర్ణయం మరోసారి ధృవీకరించింది.
స్థానిక రిజర్వేషన్కు ఇదే ప్రాతిపదిక
నాలుగేళ్ల విద్యా నిబంధన ఏకపక్షమన్న వాదనను సుప్రీంకోర్టు అంగీకరించలేదు. నీట్ లేదా సంబంధిత అర్హత పరీక్షకు ముందు వరుసగా నాలుగేళ్లు తెలంగాణలో విద్యాభ్యాసం చేసినవారినే స్థానిక అభ్యర్థులుగా పరిగణించాలన్న నిబంధన కొనసాగుతుందని స్పష్టం చేసింది. వైద్య, దంత విద్యలో రాష్ట్ర కోటా ప్రవేశాలకు ఈ నిబంధన కీలకం కానుంది. 2025లో సుప్రీంకోర్టు ఇచ్చిన తీర్పు ఆధారంగా తెలంగాణ ప్రభుత్వం స్థానిక అభ్యర్థుల నిర్వచనానికి సంబంధించిన నిబంధనలను అమలు చేస్తోంది. తాజా తీర్పుతో స్థానికతపై కొనసాగుతున్న న్యాయపరమైన సందిగ్ధతకు మరింత స్పష్టత వచ్చినట్లైంది.
#SupremeCourt #Telangana #LocalQuota #LocalReservation #MBBSAdmissions #NEET #TelanganaMedicalAdmissions #MedicalEducation #LocalCandidate #StateQuota #TelanganaEducation #ReservationRules
