మూడు సంస్థలతో భారీ ఒప్పందం.
భారత క్రికెట్ నియంత్రణ మండలి (బీసీసీఐ) కీలక వాణిజ్య నిర్ణయం తీసుకుంది. భారత్ స్వదేశీ క్రికెట్ సీజన్కు క్యాంపా, ఎస్బీఐ లైఫ్, ChatGPTను అసోసియేట్ పార్ట్నర్లుగా ఎంపిక చేసింది. ఈ భాగస్వామ్యం రెండు సీజన్ల పాటు కొనసాగనుంది. భారత్-వెస్టిండీస్ మధ్య జరగనున్న తదుపరి స్వదేశీ సిరీస్తో ప్రారంభమై 2028 మార్చి వరకు కొనసాగుతుంది. ఈ మూడు భాగస్వామ్యాల మొత్తం ఒప్పంద విలువ రూ.130 కోట్లకు పైగా ఉంటుందని బీసీసీఐ వెల్లడించింది. గత చక్రంతో పోలిస్తే ఈసారి ఒప్పంద విలువ 44 శాతం పెరిగింది. పానీయాలు, బీమా, కృత్రిమ మేధ రంగాలకు చెందిన మూడు ప్రముఖ బ్రాండ్లు భారత క్రికెట్తో చేతులు కలపడం ద్వారా బీసీసీఐ వాణిజ్య పరిధి మరింత విస్తరించనుంది. క్రికెట్కు ఉన్న భారీ అభిమాన వర్గాన్ని చేరుకోవడానికి, వినియోగదారులతో అనుసంధానం పెంచుకోవడానికి ఈ భాగస్వామ్యాలు కొత్త అవకాశాలను అందిస్తాయని బీసీసీఐ పేర్కొంది.
భారత్ క్రికెట్ మార్కెట్పై పెరుగుతున్న నమ్మకం
బీసీసీఐ అధ్యక్షుడు మిథున్ మన్హాస్ మాట్లాడుతూ.. భారత్ స్వదేశీ సీజన్ దేశంలో అత్యంత విలువైన క్రీడా వేదికగా కొనసాగుతోందని అన్నారు. క్యాంపా, ఎస్బీఐ లైఫ్, ChatGPT భాగస్వామ్యం భారత క్రికెట్ వ్యవస్థపై ప్రముఖ సంస్థలకు ఉన్న నమ్మకానికి నిదర్శనమని పేర్కొన్నారు. ఒప్పందాల విలువ 44 శాతం పెరగడం ప్రత్యేకంగా ప్రోత్సాహకరమని తెలిపారు. బీసీసీఐ గౌరవ కార్యదర్శి దేవజిత్ సైకియా కూడా ఇదే అభిప్రాయం వ్యక్తం చేశారు. స్వదేశీ క్రికెట్ భాగస్వామ్యాల విలువ పెరగడం ద్వారా బీసీసీఐ, టీమిండియా మార్కెట్పై బ్రాండ్లకు ఉన్న విశ్వాసం స్పష్టమవుతోందన్నారు. క్యాంపా, ఎస్బీఐ లైఫ్, ChatGPT మూడు విభిన్న రంగాలకు ప్రాతినిధ్యం వహిస్తున్నాయని, భారత క్రికెట్ ద్వారా వ్యాపార సంస్థలకు ఉన్న విస్తృత అవకాశాలను ఈ భాగస్వామ్యం చూపిస్తోందని చెప్పారు. అభిమానులతో కొత్త రీతుల్లో అనుసంధానం పెంచేందుకు, భారత క్రికెట్ అనుభవాన్ని మరింత విస్తరించేందుకు ఈ సంస్థలతో కలిసి పనిచేస్తామని బీసీసీఐ తెలిపింది.
#BCCI #ChatGPT #BCCIChatGPT #IndianCricket #TeamIndia #BCCIPartners #BCCICommercialDeal #Campa #SBILife #ChatGPTPartnership #CricketSponsorship #BCCIContracts #IndianCricketMarket #BCCIRevenue #CricketBusiness #AI #ArtificialIntelligence #HomeCricketSeason #TeamIndiaBrand #BCCI2028 #CricketNews
