9 రోజులు.. రుసుము లేకుండా విద్యుత్.
ఆంధ్రప్రదేశ్లో వినాయక చవితి వేడుకల సందర్భంగా గణేశ్ మండపాలకు ప్రభుత్వం ఉచిత విద్యుత్ సదుపాయం కల్పించనుంది. ఈ నెల 14 నుంచి 22వ తేదీ వరకు ఈ వెసులుబాటు అందుబాటులో ఉంటుందని ఇంధన శాఖ మంత్రి గొట్టిపాటి రవికుమార్ ప్రకటించారు. అయితే ప్రభుత్వ నిబంధనల ప్రకారం ముందస్తు అనుమతి పొందిన అధికారిక మండపాలకు మాత్రమే ఈ సదుపాయం వర్తిస్తుందని స్పష్టం చేశారు. ప్రాంతాల వారీగా విద్యుత్ వినియోగ పరిమితులను కూడా ప్రభుత్వం నిర్ణయించింది. గ్రామీణ ప్రాంతాల్లోని గణేశ్ మండపాలకు 3 కిలోవాట్ల వరకు, పట్టణ ప్రాంతాల్లోని మండపాలకు 5 కిలోవాట్ల వరకు ఎలాంటి రుసుము లేకుండా విద్యుత్ అందించనున్నారు. ఉత్సవ కమిటీలు నిర్ణయించిన పరిమితుల్లోనే విద్యుత్ను వినియోగించుకోవాలని మంత్రి సూచించారు. అదే సమయంలో విద్యుత్ వినియోగంలో భద్రతా ప్రమాణాలు తప్పనిసరిగా పాటించాలని హెచ్చరించారు. విద్యుత్ షాక్లు, ఇతర ప్రమాదాలు జరగకుండా నిర్వాహకులు ముందస్తు జాగ్రత్తలు తీసుకోవాలని కోరారు. భక్తులు, ప్రజలు ప్రశాంత వాతావరణంలో గణేశ్ ఉత్సవాలను ఘనంగా నిర్వహించుకోవాలని మంత్రి ఆకాంక్షించారు.
#GaneshChaturthi #GaneshChavithi2026 #GaneshPandal #FreeElectricity #APGovernment #AndhraPradesh #APEnergyDepartment #GaneshFestival #GaneshUtsav #GaneshMandapam #GattipatiRaviKumar #APNews #APLatestNews #VinayakaChavithi #FreePower
