రాష్ట్రంలోని రైతులకు పెట్టుబడి సాయం అందించేందుకు కూటమి ప్రభుత్వం అన్నదాత సుఖీభవ నిధులను విడుదల చేయడానికి సర్వం సిద్ధం చేసింది. శనివారం పల్నాడు జిల్లా చిలకలూరిపేట నియోజకవర్గంలోని లింగంగుంట్లలో నిర్వహించే బహిరంగ సభలో ముఖ్యమంత్రి నారా చంద్రబాబు నాయుడు ఈ పథకాన్ని ప్రారంభించనున్నారు. ఆర్థిక సంవత్సరం మొదటి విడత నగదును నేరుగా రైతుల ఖాతాల్లో జమ చేయనున్నారు. అన్నదాత సుఖీభవ, పీఎం కిసాన్ కలయిక ద్వారా తొలి విడతగా రూ. 3165 కోట్ల రూపాయల మొత్తాన్ని ప్రభుత్వం పంపిణీ చేయనుంది. ఈ పథకం ద్వారా రాష్ట్రవ్యాప్తంగా దాదాపు 46 లక్షల 85 వేల రైతు కుటుంబాలకు నేరుగా ఆర్థిక లబ్ది చేకూరనుంది.
కేంద్ర రాష్ట్ర ప్రభుత్వాల ఉమ్మడి సాయం
రైతులకు ఒకే రోజు రెండు వైపుల నుండి ఆర్థిక సాయం అందడం విశేషం. కేంద్ర ప్రభుత్వం ప్రతిష్టాత్మకంగా అమలు చేస్తున్న ప్రధాన మంత్రి కిసాన్ యోజన పథకం నిధులను కూడా శనివారమే విడుదల చేయనున్నారు. పశ్చిమ బెంగాల్ రాష్ట్రం హుగ్లీ జిల్లాలోని తారకేశ్వర్లో జరిగే ప్రత్యేక కార్యక్రమంలో ప్రధానమంత్రి నరేంద్ర మోదీ ఈ నిధులను దేశవ్యాప్తంగా ఉన్న రైతుల ఖాతాల్లోకి బదిలీ చేస్తారు. దీనివల్ల ప్రతి అర్హుడైన రైతు ఖాతాలో రెండు వేల రూపాయల చొప్పున నగదు జమ అవుతుంది. కేంద్రం, ఆంధ్రప్రదేశ్ ప్రభుత్వం ఒకే రోజు ఈ నిధులను విడుదల చేస్తుండటంతో అన్నదాతల్లో హర్షం వ్యక్తమవుతోంది.
#AnnadataSukhibhava #PMKisan #ChandrababuNaidu #NaraChandrababuNaidu #AndhraPradesh #APFarmers #FarmerWelfare #FarmerSupport #Agriculture #RythuSahayam #FarmerScheme #PMKisanYojana #NarendraModi #Chilakaluripet #Linganguntla #PalnaduDistrict #APGovernment #FarmerBenefits #DirectBenefitTransfer #DBT #RuralDevelopment #AgricultureSupport #FarmersFirst #AndhraNews #PoliticalNews #GovernmentScheme #BreakingNews #LatestNews #FarmerEmpowerment #APPolitics
