మారిన జగన్ కేలిక్యులేషన్

సీపీఐతో కొత్త కోయిలేషన్.
ఒంటరి పోరు.. ఉమ్మడి సమరం..!
సీపీఐ నేతలతో జగన్‌ భేటీ..
గుర్తుకొస్తున్న వైఎస్సార్‌ వ్యూహం..!
తండ్రి బాటలో తనయుడి అడుగులు..!
ఏపీ రాజకీయాల్లో కొత్త లెక్కలు..!

తాడేపల్లిలో జరిగిన ఓ భేటీ.. ఏపీ రాజకీయాల్లో కొత్త చర్చకు తెరలేపింది. ఇప్పటివరకు తన రాజకీయ బలంపైనే ఆధారపడుతూ వచ్చిన వైఎస్సార్‌సీపీ అధినేత జగన్‌ వద్దకు సీపీఐ నేతలు వెళ్లి ప్రజా సమస్యలపై కలిసి పోరాడాలని ప్రతిపాదించడం ఆసక్తి రేపుతోంది. కరువు, రైతుల సమస్యలు, ఓటర్ల జాబితా, డీఎస్సీ అంశాలపై ఉమ్మడి పోరాటానికి సీపీఐ ఇచ్చిన పిలుపునకు జగన్‌ సానుకూలంగా స్పందించినట్లు ఆ పార్టీ నేతలు వెల్లడించారు. సెప్టెంబరు 26న విజయవాడలో జరిగే కరవు రౌండ్‌టేబుల్‌కు వైఎస్సార్‌సీపీని ఆహ్వానించడం ఈ పరిణామానికి మరింత ప్రాధాన్యం తెచ్చింది. ఇది కేవలం మరో రాజకీయ సమావేశమా? లేక ఇంతకాలం సాగిన ‘ఒంటరి పోరాటం’కు కొత్త మలుపా? ఇక్కడే వైఎస్సార్‌ రాజకీయ శైలి గుర్తుకొస్తోంది. అవసరమైనప్పుడు ఇతర శక్తులను కలుపుకుని ప్రజా సమస్యను రాజకీయ అజెండాగా మలిచిన తండ్రి వ్యూహం.. స్వంత బలం, స్వంత కేడర్‌పైనే ఆధారపడిన జగన్‌ పంథాతో ఇప్పుడు కలుస్తుందా? అయితే సీపీఐతో కలిసి కదలడం అంటే ఎన్నికల పొత్తు కాదు.. ప్రజా సమస్యలపై ఉమ్మడి కార్యాచరణకు తొలి అడుగుగా మాత్రమే ప్రస్తుత పరిణామాలను చూడాల్సి ఉంటుంది. ఇక అసలు ఉత్కంఠ అంతా తదుపరి అడుగులోనే.. తాడేపల్లి తలుపు తెరిచింది. ఆ తలుపు దాటి జగన్‌ ఏ దిశగా నడుస్తారన్నదే ఇప్పుడు ఏపీ రాజకీయాల్లో అసలు ప్రశ్న.

#YSJagan #YSRCP #CPI #JaganPoliticalStrategy #AndhraPradeshPolitics #YSRCPvsCPI #CPIAndhraPradesh #PoliticalStrategy #JointAction #FarmersIssues #DroughtInAP #VoterList #APDSC #Tadepalli #APPolitics