నేటి నుంచి తెలంగాణ అసెంబ్లీ వర్షాకాల సమావేశాలు ప్రారంభం కానున్నాయి. ఉదయం 10 గంటలకు ఉభయ సభలు కొలువుదీరగా, ప్రశ్నోత్తరాలతో కార్యకలాపాలు మొదలవుతాయి. సమావేశాల నిర్వహణకు ప్రభుత్వం అన్ని ఏర్పాట్లు పూర్తి చేసింది. సభలో కీలక నివేదికలు, పలు బిల్లులు, ప్రజా సమస్యలపై చర్చకు అవకాశం ఉంది. తెలంగాణ సమగ్ర శిక్ష 2024–25, పీఎం శ్రీ 2024–25 ఆడిట్ నివేదికలతో పాటు హైదరాబాద్ మెట్రో రైల్ లిమిటెడ్కు సంబంధించిన ఐదు వార్షిక నివేదికలను ప్రభుత్వం సభ ముందుకు తీసుకురానుంది. రైతులు, ఉద్యోగులు, సాగునీరు, ప్రభుత్వ పథకాలు, రాష్ట్ర ఆర్థిక పరిస్థితిపై ప్రతిపక్షాలు ప్రభుత్వాన్ని నిలదీసేందుకు సిద్ధమవుతున్నాయి. ప్రభుత్వం కూడా విపక్షాల ప్రశ్నలకు సమాధానం ఇచ్చేందుకు వ్యూహం సిద్ధం చేసుకుంది. దీంతో ఈసారి సమావేశాలు వాడీవేడిగా సాగే అవకాశాలు కనిపిస్తున్నాయి. సభలోపల, బయట ఎలాంటి అవాంఛనీయ ఘటనలు జరగకుండా భద్రతా ఏర్పాట్లను కట్టుదిట్టం చేశారు. సభ్యులు కోరిన సమాచారాన్ని త్వరగా అందించాలని స్పీకర్ గడ్డం ప్రసాద్కుమార్ అధికారులను ఆదేశించారు. శాఖల అధికారులు సమావేశాల సమయంలో అందుబాటులో ఉండాలని మండలి ఛైర్మన్ గుత్తా సుఖేందర్రెడ్డి సూచించారు. సభ్యులకు తెలుగు, ఇంగ్లీష్, ఉర్దూ భాషల్లో అవసరమైన సమాచారాన్ని ముందుగానే అందించాలని ఆదేశించారు. ధర్నాలు, రాస్తారోకోలకు అవకాశం లేకుండా పోలీసులు అప్రమత్తమయ్యారు. దీంతో అసెంబ్లీ సమావేశాలు తెలంగాణ రాజకీయాల్లో వేడి పెంచేలా సాగనున్నాయి.
#TelanganaAssembly #TelanganaAssemblySession #MonsoonSession #TelanganaPolitics #RevanthReddy #TelanganaGovernment #TelanganaOpposition #AssemblySession2026 #TelanganaAssembly2026 #GaddamPrasadKumar #GuthaSukenderReddy #TelanganaBills #TelanganaReports #SamagraShiksha #PMSHRI #HyderabadMetro #TelanganaFarmers #TelanganaEmployees #TelanganaIrrigation #TelanganaWelfare
