ఏ కులము నీదంటే..! రెండో దశలో క్యాస్ట్ వివరాల నమోదు

వివరాల నమోదుకు దేశ వ్యాప్త విధానం.
కులం లెక్కలోకి.. జనగణనలో కీలక మార్పు.

జనగణన 2027లో కుల వివరాలను అధికారికంగా నమోదు చేయనున్నారు. రిజిస్ట్రార్‌ జనరల్‌ అండ్‌ సెన్సస్‌ కమిషనర్‌ ఆఫ్‌ ఇండియా ఆగస్టు 14న జనాభా లెక్కల రెండో దశకు సంబంధించిన 40 ప్రశ్నలను నోటిఫై చేశారు. 2011 జనగణన ప్రశ్నావళిలో లేని 13 కొత్త డేటా అంశాలను ఈసారి చేర్చారు. జనగణన ప్రక్రియ మొత్తం రెండు దశల్లో సాగుతుంది. మొదటి దశలో హౌసింగ్‌, హౌస్‌ లిస్టింగ్‌ ఆపరేషన్స్‌ నిర్వహిస్తారు. రెండో దశలో పాపులేషన్‌ ఎంన్యుమరేషన్‌ సమయంలో ప్రతి వ్యక్తికి సంబంధించిన జనాభా వివరాలతో పాటు కుల వివరాలను కూడా నమోదు చేయనున్నారు. దేశవ్యాప్తంగా ఈ ప్రక్రియకు దాదాపు 11 నెలల సమయం పడుతుంది. హౌసింగ్‌, హౌస్‌ లిస్టింగ్‌ దశను సెప్టెంబర్‌ 30లోగా పూర్తి చేయాలని లక్ష్యంగా పెట్టుకున్నారు.

ఎవరి కులం ఎలా నమోదు చేస్తారు?

రెండో దశలో వ్యక్తుల నుంచి సేకరించే వివరాల్లో కులం కూడా కీలక అంశంగా ఉంటుంది. వ్యక్తి స్వయంగా వెల్లడించే కుల వివరాలను జనగణనలో నమోదు చేసే విధానం అమలు కానుంది. దీంతో దేశంలోని వివిధ సామాజిక వర్గాల సంఖ్య, వారి భౌగోళిక విస్తరణ వంటి అంశాలపై అధికారిక డేటా అందుబాటులోకి వచ్చే అవకాశం ఉంది. 2011 జనగణనలో సాధారణ జనాభా లెక్కల్లో కుల వివరాల నమోదు జరగలేదు. ఇప్పుడు కులగణనను జనాభా లెక్కల ప్రక్రియలో భాగం చేయడం వల్ల దేశ సామాజిక నిర్మాణంపై విస్తృత స్థాయిలో అధికారిక సమాచారం లభించనుంది. ముఖ్యంగా సంక్షేమ పథకాలు, సామాజిక విధానాలు, రిజర్వేషన్లు, అభివృద్ధి కార్యక్రమాల రూపకల్పనలో ఈ డేటా ప్రాధాన్యం సంతరించుకునే అవకాశం ఉంది.

40 ప్రశ్నలు.. 13 కొత్త అంశాలు

కేంద్రం నోటిఫై చేసిన 40 ప్రశ్నల్లో 13 కొత్త డేటా ఫీల్డులు ఉండటం ఈసారి జనగణనలో కీలక మార్పుగా నిలిచింది. జనాభా లెక్కల మొదటి దశ ఇప్పటికే అనేక రాష్ట్రాల్లో పూర్తయింది. పశ్చిమ బెంగాల్‌, అసోం, మణిపూర్‌, త్రిపుర, తమిళనాడు వంటి కొన్ని రాష్ట్రాల్లో మాత్రం హౌసింగ్‌ దశ మిగిలి ఉంది. రెండో దశలో జనాభా వివరాల సేకరణ పూర్తయిన తర్వాత దేశంలోని సామాజిక పరిస్థితిపై మరింత విస్తృతమైన అధికారిక డేటా అందుబాటులోకి రానుంది. కులగణనను జనగణనలో చేర్చడం వల్ల ఏ వర్గానికి ఎంత జనాభా ఉంది? సామాజికంగా ఎవరు వెనుకబడి ఉన్నారు? ప్రభుత్వ విధానాలు ఎవరికి ఎంత మేర చేరుతున్నాయి? వంటి అంశాలపై భవిష్యత్తులో మరింత స్పష్టమైన చర్చకు అవకాశం ఏర్పడనుంది.

#CasteCensus2027 #Census2027 #IndiaCensus #CasteEnumeration #CasteData #PopulationCensus #CensusIndia #CasteSurvey #SocialData #SocialJustice #Reservation #GovernmentPolicies #PopulationEnumeration #RegistrarGeneralIndia #CensusCommissioner #Census2027News #IndiaNews #IndianGovernment #SocialWelfare #CasteDetails