అసాధ్యాన్ని సైతం సాధ్యం చేయడంలో బిహారీలకు ప్రత్యేక గుర్తింపు ఉందనే మాట మరోసారి నిజమైంది. సాధారణంగా మొసలి కనిపిస్తే ప్రాణాలు కాపాడుకోవడానికే అందరూ పరుగులు తీస్తారు. కానీ బిహార్కు చెందిన ఓ రైతు మాత్రం అందుకు పూర్తి భిన్నంగా ఆలోచించాడు. అటవీ శాఖ కోసం గంటల తరబడి ఎదురు చూడలేదు… భయంతో వెనక్కి తగ్గలేదు… తన పొలంలోకి వచ్చిన మొసలిని స్వయంగా తాళ్లతో బంధించి భుజాలపై మోసుకుంటూ పోలీస్ స్టేషన్కు తీసుకెళ్లాడు. ఈ దృశ్యం చూసినవారంతా ఆశ్చర్యపోతున్నారు. ప్రమాదాన్ని చూసి పారిపోవడం కాదు… సమస్యను ఎదుర్కొని పరిష్కారం చూపడం కూడా బిహారీల స్టైల్ అని నెటిజన్లు వ్యాఖ్యానిస్తున్నారు. ధైర్యం, తెగువ, చాకచక్యం కలిస్తే అసాధ్యంగా కనిపించే పనులూ సులభంగా పూర్తవుతాయని ఈ ఘటన మరోసారి నిరూపించింది. అందుకే ఇప్పుడు సోషల్ మీడియాలో ఒకటే కామెంట్ వినిపిస్తోంది… “బిహారీలకు ఏదైనా సాధ్యమే!”
బిహార్లో వైరల్ ఘటన
బిహార్లో ఓ రైతు చేసిన సాహసం సోషల్ మీడియాలో వైరల్గా మారింది. తన పొలంలో కనిపించిన మొసలిని తాళ్లతో కట్టేసి ఏకంగా భుజాలపై మోసుకుంటూ పోలీస్ స్టేషన్కు తీసుకెళ్లాడు. అమిత్ కుమార్ అనే రైతు ముందుగా అటవీ శాఖ కార్యాలయానికి వెళ్లగా అక్కడ సిబ్బంది లేకపోవడంతో స్వయంగా మొసలిని అదుపులోకి తీసుకున్నాడు. అనంతరం పోలీసుల సహాయంతో అటవీ అధికారులకు అప్పగించాడు. అధికారులు మొసలిని స్వాధీనం చేసుకొని సురక్షితంగా సమీప నదిలో వదిలేశారు. ఈ ఘటనకు సంబంధించిన వీడియో సోషల్ మీడియాలో విస్తృతంగా వైరల్ అవుతోంది. “బిహారీలకు ఏదైనా సాధ్యమే”, “మొసలినే మడతపెట్టేశాడు” అంటూ నెటిజన్లు సరదాగా కామెంట్లు చేస్తున్నారు. అయితే అడవి జంతువులను స్వయంగా పట్టుకోవడం అత్యంత ప్రమాదకరమని, ఇలాంటి పరిస్థితుల్లో వెంటనే అటవీ శాఖకు సమాచారం ఇవ్వాలని అధికారులు సూచిస్తున్నారు.
