ఆఫ్ఘన్‌ను షేక్ చేసిన శర్మ ఫాస్టెస్ట్ హండ్రెడ్‌ రికార్డ్

అభిషేక్ శర్మ బ్యాట్‌ నుంచి బంతి బయటకు వెళ్లిందా.. బౌండరీ దాటిందా అన్నది ప్రేక్షకులు గుర్తించేలోపే స్కోర్‌బోర్డు పరుగులతో దూసుకెళ్లింది. ఢిల్లీలోని అరుణ్ జైట్లీ స్టేడియంలో అఫ్గానిస్థాన్ బౌలర్లపై 26 ఏళ్ల ఈ యువ ఓపెనర్ సృష్టించిన తుఫాను సాధారణ టీ20 ఇన్నింగ్స్ కాదు.. భారత క్రికెట్‌లో వేగానికి కొత్త నిర్వచనం. మొదట నెమ్మదిగా మొదలైన ఆట.. రెండో ఓవర్ నుంచి ఒక్కసారిగా దిశ మార్చుకుంది. సిక్సర్ల వర్షం.. ఫోర్ల మోత.. కేవలం 16 బంతుల్లో అర్ధశతకం.. 22 బంతుల్లో 76 పరుగులు.. ఆ తర్వాత శతకం కోసం సాగిన పరుగుల వేట. చివరకు కేవలం 30 బంతుల్లోనే టీ20 అంతర్జాతీయ శతకం. రోహిత్ శర్మ 35 బంతుల్లో నెలకొల్పిన భారత రికార్డు నేలకొరిగింది. అంతటితో ఆగలేదు.. టెస్ట్ ఆడే దేశాల ఆటగాళ్లలో అత్యంత వేగవంతమైన టీ20 శతకంగా ప్రపంచ రికార్డు నమోదైంది. పవర్‌ప్లేలో అత్యధిక వ్యక్తిగత స్కోరు రికార్డూ అభిషేక్ ఖాతాలోకి చేరింది. 34 బంతుల్లో 108 పరుగులు.. 11 సిక్సర్లు.. 9 ఫోర్లు.. 317.64 స్ట్రైక్‌రేట్. రషీద్ ఖాన్ బంతికి అతని తుఫాను ఆగిపోయినా.. అప్పటికే ప్రపంచ క్రికెట్ ముందు ఒక కొత్త సంచలనం నిలిచిపోయింది.