ఇండియన్ ప్రీమియర్ లీగ్ (చరిత్రలోనే ఒక భారీ ట్రేడింగ్ ఒప్పందం పూర్తయింది. స్టార్ వికెట్ కీపర్ బ్యాటర్ రిషభ్ పంత్ తిరిగి తన పాత ఫ్రాంచైజీ అయిన ఢిల్లీ క్యాపిటల్స్ జట్టులోకి చేరాడు. ఇందుకోసం లక్నో సూపర్ జాయింట్స్, ఢిల్లీ క్యాపిటల్స్ యాజమాన్యాలు ఆటగాళ్లను పరస్పరం మార్చుకున్నాయి. ఈ డీల్లో భాగంగా లక్నో జట్టుకు చైనామన్ స్పిన్నర్ కుల్దీప్ యాదవ్ను ఢిల్లీ వదులుకుంది.
గత రెండు సీజన్ల క్రితం లక్నో సూపర్ జాయింట్స్ జట్టు పంత్ను ఏకంగా ₹27 కోట్ల రికార్డు ధరకు కొనుగోలు చేసింది. అయితే, అక్కడ ఆశించిన స్థాయిలో రాణించలేకపోయిన పంత్, కెప్టెన్సీ బాధ్యతల నుండి కూడా తప్పుకున్నాడు. ఇప్పుడు తన సొంత గూడైన ఢిల్లీకి తిరిగి వచ్చేందుకు ఏకంగా ₹12 కోట్ల భారీ శాలరీ కట్కు ఒప్పుకున్నాడు. ఢిల్లీలో పంత్ సీజన్కు ₹15 కోట్లు అందుకోనున్నాడు. మరోవైపు, గత ఐదు సీజన్లుగా ఢిల్లీ తరఫున 72 వికెట్లతో అద్భుత ప్రదర్శన చేసిన కుల్దీప్ యాదవ్, ఇకపై లక్నో జట్టుకు ప్రాతినిధ్యం వహించనున్నాడు. లక్నోలో కుల్దీప్ వార్షిక వేతనం ₹13.50 కోట్లుగా ఉండనుంది. ఐపీఎల్ చరిత్రలోనే ఈ ట్రేడ్ అత్యంత క్రేజీ డీల్గా నిలిచింది.
#IPL #IPLTrade #RishabhPant #DelhiCapitals #LucknowSuperGiants #KuldeepYadav #IPL2027 #CricketNews #IPLTransfers #DC #LSG #IndianPremierLeague #CricketUpdates #SportsNews #BreakingNews
