ప్రజాభిప్రాయ సేకరణ పూర్తి
కడప జిల్లా ప్రొద్దుటూరు మండలంలోని కొత్తపల్లి గ్రామ పంచాయతీని ప్రొద్దుటూరు మున్సిపాలిటీలో విలీనం చేసే అంశంపై అధికారులు గ్రామసభ నిర్వహించి ప్రజాభిప్రాయాలను సేకరించారు. ఈ నెల 19న జరగాల్సిన సమావేశం విలీనాన్ని మాజీ సర్పంచ్ శివచంద్రరెడ్డి వర్గం వ్యతిరేకించడంతో వాయిదా పడగా, తాజాగా కట్టుదిట్టమైన పోలీసు భద్రత మధ్య గ్రామసభ ప్రశాంతంగా నిర్వహించారు. ఆధార్ కార్డు పరిశీలించిన తర్వాతే గ్రామస్థులను సభలోకి అనుమతించి, ప్రతి ఒక్కరి అభిప్రాయాన్ని అధికారులు నమోదు చేశారు.
కార్పొరేషన్ లక్ష్యానికి మద్దతు
గ్రామసభలో పెద్ద సంఖ్యలో పాల్గొన్న కొత్తపల్లి గ్రామస్థులు ప్రొద్దుటూరును కార్పొరేషన్గా అభివృద్ధి చేసే ప్రక్రియకు తాము సహకరిస్తామని వెల్లడించారు. గ్రామ పంచాయతీని ప్రొద్దుటూరు మున్సిపాలిటీలో విలీనం చేయాలని అధిక శాతం ప్రజలు స్పష్టంగా అభిప్రాయం వ్యక్తం చేశారు. ప్రజాభిప్రాయ సేకరణ ప్రక్రియ ప్రశాంతంగా ముగియగా, నమోదు చేసిన అభిప్రాయాలను ప్రభుత్వం తదుపరి నిర్ణయం తీసుకునేందుకు పరిగణనలోకి తీసుకోనుంది. కొత్తపల్లి విలీనానికి లభించిన ఈ స్పందనతో ప్రొద్దుటూరును కార్పొరేషన్గా తీర్చిదిద్దే ప్రక్రియలో మరో కీలక ముందడుగు పడినట్లుగా అధికారులు భావిస్తున్నారు.
