కాళేశ్వరం ప్రాజెక్టు అంశంపై కాంగ్రెస్, బీఆర్ఎస్ మధ్య మాటల యుద్ధం మరింత ఉధృతమైంది. కాంగ్రెస్ సీనియర్ నేత జగ్గారెడ్డి మాజీ ముఖ్యమంత్రి కేసీఆర్, మాజీ మంత్రి హరీశ్రావుపై తీవ్ర విమర్శలు చేశారు. కాళేశ్వరం ప్రాజెక్టు దెబ్బతినడానికి బాధ్యులైన కేసీఆర్, హరీశ్రావు ముందుగా తెలంగాణ ప్రజలకు క్షమాపణ చెప్పాలని డిమాండ్ చేశారు. లక్ష కోట్ల రూపాయల ప్రజాధనాన్ని వృథా చేసిన తర్వాత విమర్శలు చేయడం సరికాదన్నారు. రైతులకు నష్టం చేసిన వారే ఇప్పుడు రైతుల గురించి మాట్లాడటం విడ్డూరంగా ఉందని వ్యాఖ్యానించారు.
ఎన్డీఎస్ఏ సూచనలకే ప్రభుత్వం కట్టుబాటు
ఎన్డీఎస్ఏ ఏ సూచనలు చేసినా వాటిని అమలు చేయడానికి ముఖ్యమంత్రి రేవంత్రెడ్డి, మంత్రి ఉత్తమ్ కుమార్ రెడ్డి సిద్ధంగా ఉన్నారని జగ్గారెడ్డి స్పష్టం చేశారు. కాళేశ్వరం పునరుద్ధరణ విషయంలో ప్రభుత్వం రాజకీయాలు చేయడం లేదని, నిపుణుల సలహాల మేరకే ముందుకు వెళ్తోందని చెప్పారు. రైతులకు మేలు చేసే నిర్ణయాలకే కాంగ్రెస్ ప్రభుత్వం ప్రాధాన్యం ఇస్తుందని పేర్కొన్నారు. ప్రాజెక్టును తిరిగి ఉపయోగంలోకి తీసుకురావడానికి అవసరమైన ప్రతి చర్య చేపడతామని తెలిపారు.
హరీశ్రావుపై ఘాటు వ్యాఖ్యలు
రక్తం చిందిస్తామని హరీశ్రావు చేస్తున్న వ్యాఖ్యలపై కూడా జగ్గారెడ్డి తీవ్రంగా స్పందించారు. రక్తం చిందించే ధైర్యం ఆయనకు లేదని విమర్శించారు. తెలంగాణ ఉద్యమ సమయంలో పెట్రోల్ పోసుకుని అగ్గిపెట్టె తీసుకురావడం మర్చిపోయిన విషయాన్ని ప్రస్తావిస్తూ వ్యంగ్య వ్యాఖ్యలు చేశారు. ప్రజలను భావోద్వేగాలకు గురిచేసే ప్రకటనలు చేయడం తప్ప బీఆర్ఎస్ నేతలు ప్రజల కోసం చేసిందేమీ లేదని ఆరోపించారు. హింసను ప్రేరేపించే రాజకీయాలకు కేసీఆర్ కుటుంబమే చిరునామాగా మారిందని విమర్శించారు.
ఈటలకు జగ్గారెడ్డి సూచన
ప్రస్తుతం బీజేపీలో కీలక నాయకుడిగా ఉన్న ఈటల రాజేందర్ను కూడా జగ్గారెడ్డి ఉద్దేశించి మాట్లాడారు. గతంలో ఆర్థిక శాఖ మంత్రిగా పనిచేసిన ఈటలకు కాళేశ్వరం వ్యవహారంపై పూర్తి అవగాహన ఉందన్నారు. నిజంగా రైతులపై ప్రేమ ఉంటే కేసీఆర్, హరీశ్రావును ఒప్పించి కేంద్రం వద్దకు తీసుకెళ్లాలని సూచించారు. అవసరమైతే కాంగ్రెస్ మంత్రులు కూడా వస్తారని, ఎన్డీఎస్ఏతో చర్చలకు సిద్ధంగా ఉన్నామని తెలిపారు. కేవలం విమర్శలు చేయడం కాకుండా సమస్య పరిష్కారానికి సహకరించాలని కోరారు.
