శాసనమండలి డిప్యూటీ ఛైర్మన్ పదవికి వైఎస్సార్సీపీ తరఫున తూమాటి మాధవరావును బరిలోకి దించాలని పార్టీ నిర్ణయించింది. తాడేపల్లిలోని వైఎస్సార్సీపీ కేంద్ర కార్యాలయంలో ఎమ్మెల్సీలతో నిర్వహించిన సమావేశంలో పార్టీ అధ్యక్షుడు, మాజీ ముఖ్యమంత్రి వైఎస్ జగన్ ఈ నిర్ణయాన్ని ప్రకటించారు. ప్రస్తుతం ఖాళీగా ఉన్న డిప్యూటీ ఛైర్మన్ పదవికి త్వరలో ఎన్నిక జరగనున్న నేపథ్యంలో మాధవరావు అభ్యర్థిత్వాన్ని ఖరారు చేశారు. పార్టీకి చెందిన ఎమ్మెల్సీలంతా ఆయనకు పూర్తి మద్దతుగా నిలవాలని జగన్ సూచించారు. ఎన్నిక ప్రక్రియలో ఎలాంటి ఇబ్బందులు తలెత్తకుండా ముందస్తు కసరత్తు చేయాలని ఆదేశించారు. ఎమ్మెల్సీల మధ్య సమన్వయం పెంచుకోవడంతో పాటు అవసరమైన మద్దతును సమీకరించాలని స్పష్టం చేశారు. డిప్యూటీ ఛైర్మన్ ఎన్నికను పార్టీ ప్రతిష్టాత్మకంగా తీసుకుంటున్న సంకేతాలను జగన్ ఆదేశాలు ఇచ్చాయి. శాసనమండలిలో వైసీపీకి ఉన్న బలాన్ని సమర్థంగా వినియోగించుకోవడమే లక్ష్యంగా ఎమ్మెల్సీలకు దిశానిర్దేశం చేశారు. మాధవరావు విజయానికి అందరూ కలిసికట్టుగా పనిచేయాలని పిలుపునిచ్చారు.
#YSRCP #YSJagan #JaganMohanReddy #ThoomatiMadhavaRao #MadhavaRao #DeputyChairman #LegislativeCouncil #APLegislativeCouncil #YSRCPCandidate #YSRCPMLCs #APPolitics #AndhraPradeshPolitics #CouncilElection #Jagan #APNews
