ప్రాంతీయ అసమానతలు తప్పవు సమాన అభివృద్ధే రాష్ట్రానికి బలం

మాజీ మంత్రి ధర్మాన హెచ్చరిక.

రాష్ట్రంలో ప్రాంతీయ అసమానతలు పెరుగుతున్నాయని, ఇదే పరిస్థితి కొనసాగితే భవిష్యత్తులో మరో రాష్ట్ర ఉద్యమం వచ్చే ప్రమాదం ఉందని మాజీ మంత్రి, వైఎస్సార్ కాంగ్రెస్ పార్టీ సీనియర్ నేత ధర్మాన ప్రసాదరావు హెచ్చరించారు. శ్రీకాకుళంలో మీడియాతో మాట్లాడిన ఆయన, ముఖ్యమంత్రి రాష్ట్రంలోని అన్ని ప్రాంతాలను సమానంగా చూడాల్సిన బాధ్యత ఉందన్నారు. అమరావతి అభివృద్ధికే ప్రాధాన్యం ఇవ్వకుండా ఉత్తరాంధ్ర, రాయలసీమ ప్రాంతాల అభివృద్ధిపైనా దృష్టి పెట్టాలని సూచించారు. తెలంగాణ ఉద్యమానికి ప్రాంతీయ అసమానతలే కారణమయ్యాయని గుర్తుచేసిన ధర్మాన, అలాంటి పరిస్థితులు ఏపీలో పునరావృతం కాకుండా ప్రభుత్వం చర్యలు తీసుకోవాలని కోరారు. మాజీ సీఎం వైఎస్ జగన్ ప్రతిపాదించిన వికేంద్రీకరణ విధానం సమాన అభివృద్ధికి దోహదపడుతుందని పేర్కొన్నారు. అన్ని ప్రాంతాలకు సమానంగా నిధులు కేటాయించి అభివృద్ధి ఫలాలు అందరికీ చేరేలా ప్రభుత్వం వ్యవహరించాలని, లేకపోతే ప్రాంతీయ అసంతృప్తి మరింత పెరిగే ప్రమాదం ఉందని హెచ్చరించారు.

Dharmana Prasada Rao, Andhra Pradesh, Regional Inequality, AP Politics, Amaravati, Uttarandhra, Rayalaseema, Balanced Development, YSRCP, Decentralization Policy, Regional Development, Andhra News, Political News, AP Government, Srikakulam News