భారత్ను గర్వపడేలా చేశారంటూ కితాబు.
కామన్వెల్త్ గేమ్స్-2026లో పతకాలు సాధించి భారత్కు తిరిగొచ్చిన క్రీడాకారులను ప్రధానమంత్రి నరేంద్ర మోదీ ఆదివారం కలిశారు. గ్లాస్గో వేదికగా జరిగిన పోటీల్లో భారత క్రీడాకారులు అద్భుత ప్రదర్శన కనబరిచినందుకు వారిని అభినందించారు. పతక విజేతలతో జరిగిన సమావేశం ప్రత్యేకమైన సందర్భమని మోదీ పేర్కొన్నారు. క్రీడాకారులు తమ ప్రతిభతో దేశానికి గర్వకారణంగా నిలిచారని ప్రశంసించారు. ఈ భేటీకి సంబంధించిన వీడియోను మోదీ తన ఇన్స్టాగ్రామ్ ఖాతాలో పంచుకున్నారు. క్రీడాకారులతో మోదీ ఆత్మీయంగా మాట్లాడి వారి అనుభవాలను అడిగి తెలుసుకున్నారు. భారత్ తరఫున పోటీపడి విజయాలు సాధించిన ప్రతి ఒక్కరినీ అభినందిస్తూ మరింత ఉన్నత స్థాయికి ఎదగాలని ఆకాంక్షించారు.
39 పతకాలు సాధించిన భారత్
గ్లాస్గో కామన్వెల్త్ గేమ్స్లో భారత్ మొత్తం 39 పతకాలు సాధించింది. ఇందులో 13 స్వర్ణ పతకాలు ఉన్నాయి. బాక్సింగ్లో భారత క్రీడాకారులు ప్రత్యేకంగా సత్తా చాటారు. ఈ క్రీడలో భారత్కు రికార్డు స్థాయిలో 10 పతకాలు దక్కాయి. మహిళల 51 కిలోల విభాగంలో స్వర్ణ పతకం సాధించిన బాక్సర్ సాక్షి చౌదరి కూడా ప్రధానితో సమావేశమైన వారిలో ఉన్నారు. భారత బాక్సింగ్ బృందంలో ఏడుగురు క్రీడాకారులు స్వర్ణ పతకాలు సాధించారు. ఈ సందర్భంగా మోదీ క్రీడాకారులను ఉత్సాహపరుస్తూ “జో ఖేలేగా.. వో ఖిలేగా. భారత్ను ఎప్పుడూ ప్రోత్సహించండి” అంటూ సందేశం ఇచ్చారు. క్రీడల్లో మరింత మంది యువత పాల్గొనాలని, దేశానికి మరిన్ని విజయాలు తీసుకురావాలని ఆకాంక్షించారు.
#PMModi #NarendraModi #CommonwealthGames2026 #CommonwealthGames #IndianAthletes #IndiaSports #GlasgowCommonwealthGames #MedalWinners #TeamIndia #IndianBoxing #SakshiChaudhary #SportsNews #India39Medals #GoldMedals #CommonwealthGamesIndia
