ఇండియన్ ప్రీమియర్ లీగ్ (ఐపీఎల్) ప్రపంచ క్రీడా రంగంలో మరో చరిత్ర సృష్టించింది. 2026 సీజన్ ముగిసే సమయానికి ఐపీఎల్ వ్యాపార విలువ 20.6 బిలియన్ డాలర్ల (సుమారు రూ.1.79 లక్షల కోట్లు)కు చేరగా, బ్రాండ్ విలువ 4.3 బిలియన్ డాలర్ల (సుమారు రూ.37,400 కోట్లు)కు పెరిగింది. ఈ నేపథ్యంలో పంజాబ్ కింగ్స్ సహ యజమాని నెస్ వాడియా చేసిన వ్యాఖ్యలు వైరల్గా మారాయి. ఐపీఎల్ అసలు ప్రయాణం ఇప్పుడే ప్రారంభమైందని, అత్యుత్తమ రోజులు ఇంకా ముందే ఉన్నాయని ఆయన అన్నారు. 2008లో సుమారు 76 మిలియన్ డాలర్ల (దాదాపు రూ.660 కోట్లు)కు కొనుగోలు చేసిన పంజాబ్ కింగ్స్ ఫ్రాంచైజీ విలువ ఇప్పుడు 158 మిలియన్ డాలర్ల (సుమారు రూ.1,375 కోట్లు)కు చేరిందని వెల్లడించారు. ఐపీఎల్ కేవలం క్రికెట్ టోర్నమెంట్ మాత్రమే కాదని, భారత క్రీడల ముఖచిత్రాన్నే మార్చేసిందని చెప్పారు. కుటుంబాలు ఐపీఎల్ మ్యాచ్ల చుట్టూ తమ సమయాన్ని ప్లాన్ చేసుకుంటున్నాయని, ప్రపంచవ్యాప్తంగా క్రికెట్కు కొత్త మార్కెట్లు ఏర్పడుతున్నాయని పేర్కొన్నారు. 2026 సీజన్ను ప్రపంచవ్యాప్తంగా 1.2 బిలియన్ మంది వీక్షించగా, గుజరాత్ టైటాన్స్–రాయల్ ఛాలెంజర్స్ బెంగళూరు ఫైనల్ను 40 కోట్ల మంది వీక్షించి ఐపీఎల్ చరిత్రలో అత్యధిక ప్రేక్షకులను సాధించిన మ్యాచ్గా నిలిచింది. కేవలం పది ఫ్రాంచైజీలే ఉండటం, పెరుగుతున్న ప్రపంచ ఆదరణతో ఐపీఎల్ విలువ రాబోయే రోజుల్లో మరింత పెరిగే అవకాశముందని నెస్ వాడియా విశ్వాసం వ్యక్తం చేశారు.
#IPL2026 #IndianPremierLeague #IPLValuation #NessWadia #PunjabKings #BCCI #CricketBusiness #SportsIndustry #IPLBrandValue #CricketEconomy #T20Cricket #GujaratTitans #RCB #RoyalChallengersBengaluru #CricketNews #IndianCricket #GlobalCricket #SportsBusiness #IPLFinal #BreakingSports
