యువతకు రాజకీయ హక్కు
అసెంబ్లీలో తీర్మానం చేస్తాం
సీఎం రేవంత్ రెడ్డి ప్రతిపాదన
తెలంగాణ ముఖ్యమంత్రి రేవంత్ రెడ్డి కీలక రాజకీయ నిర్ణయాన్ని ప్రకటించారు. లోక్సభ, రాష్ట్ర అసెంబ్లీ ఎన్నికల్లో పోటీ చేసే కనీస వయస్సును 25 నుంచి 21 సంవత్సరాలకు తగ్గించాలని కేంద్రాన్ని కోరుతూ తెలంగాణ ప్రభుత్వం త్వరలో అసెంబ్లీలో తీర్మానం ప్రవేశపెట్టనుంది. ఆగస్టు తొలి వారంలో అసెంబ్లీ, శాసన మండలి ప్రత్యేక సమావేశాలు నిర్వహించి తీర్మానం ఆమోదించి ప్రధాని నరేంద్ర మోదీకి పంపనున్నట్లు వెల్లడించారు.
జెన్ జీకి అధిక ప్రాతినిధ్యం లక్ష్యం
హైదరాబాద్లో విద్యార్థులు, యువత భారీ సమావేశంలో మాట్లాడిన రేవంత్ రెడ్డి, దేశ పాలనలో జెన్ జీకి మరింత ప్రాతినిధ్యం దక్కాలని అన్నారు. యువత ఆలోచనలు, ఆశయాలు చట్టసభల్లో ప్రతిబింబించాలంటే వారికి పోటీ చేసే అవకాశం కల్పించాల్సిన అవసరం ఉందని వివరించారు. ఈ ప్రతిపాదన యువత సాధికారతకు కీలక అడుగుగా నిలుస్తుందని అభిప్రాయపడ్డారు.
21 ఏళ్లకే ఐఏఎస్… 21 ఏళ్లకే ఎమ్మెల్యే, ఎంపీ అవకాశం? తెలంగాణ నుంచి రేవంత్ సంచలన ప్రతిపాదన
యువతకు రాజకీయ హక్కు
21 ఏళ్లకే పోటీ?
అసెంబ్లీలో తీర్మానం తీసుకురానున్న ప్రభుత్వం
తెలంగాణ ముఖ్యమంత్రి ఎ. రేవంత్ రెడ్డి కీలక రాజకీయ నిర్ణయాన్ని ప్రకటించారు. లోక్సభ, రాష్ట్ర అసెంబ్లీ ఎన్నికల్లో పోటీ చేసే కనీస వయస్సును 25 నుంచి 21 సంవత్సరాలకు తగ్గించాలని కేంద్రాన్ని కోరుతూ తెలంగాణ ప్రభుత్వం త్వరలో అసెంబ్లీలో తీర్మానం ప్రవేశపెట్టనుంది. ఆగస్టు తొలి వారంలో అసెంబ్లీ, శాసన మండలి ప్రత్యేక సమావేశాలు నిర్వహించి తీర్మానం ఆమోదించి ప్రధాని నరేంద్ర మోదీకి పంపనున్నట్లు వెల్లడించారు.
జెన్ జీకి అధిక ప్రాతినిధ్యం లక్ష్యం
హైదరాబాద్లో విద్యార్థులు, యువత భారీ సమావేశంలో మాట్లాడిన రేవంత్ రెడ్డి, దేశ పాలనలో జెన్ జీకి మరింత ప్రాతినిధ్యం దక్కాలని అన్నారు. యువత ఆలోచనలు, ఆశయాలు చట్టసభల్లో ప్రతిబింబించాలంటే వారికి పోటీ చేసే అవకాశం కల్పించాల్సిన అవసరం ఉందని వివరించారు. ఈ ప్రతిపాదన యువత సాధికారతకు కీలక అడుగుగా నిలుస్తుందని అభిప్రాయపడ్డారు.
21 ఏళ్లకే ఐఏఎస్.. ఎమ్మెల్యే ఎందుకు కాదు?
21 సంవత్సరాల వయస్సు ఉన్న యువకులు ఐఏఎస్, ఐపీఎస్, ఐఎఫ్ఎస్ అధికారులుగా ఎంపిక కావచ్చని రేవంత్ రెడ్డి గుర్తు చేశారు. అదే వయస్సులో మేయర్, జడ్పీ చైర్మన్ వంటి స్థానాలకు పోటీ చేసే అవకాశం ఇప్పటికే ఉందని చెప్పారు. అలాంటి యువత ఎమ్మెల్యే, ఎంపీగా ఎందుకు పోటీ చేయకూడదని ప్రశ్నించారు. జర్మనీ, బ్రిటన్, సింగపూర్ వంటి దేశాల్లో యువతకు ఎక్కువ రాజకీయ అవకాశాలు ఉన్నాయని ఉదాహరణలు చూపించారు.
నాడు రాజీవ్ గాంధీ సంస్కరణలు
యువతకు ఓటు హక్కు విస్తరణలో మాజీ ప్రధాని రాజీవ్ గాంధీ చేసిన రాజ్యాంగ సవరణను ముఖ్యమంత్రి ప్రస్తావించారు. ఓటు హక్కు వయస్సును 21 నుంచి 18 సంవత్సరాలకు తగ్గించడం యువ భారత స్వరానికి గుర్తింపుగా నిలిచిందన్నారు. మాజీ ప్రధాని పి.వి. నరసింహారావు తీసుకొచ్చిన 73వ, 74వ రాజ్యాంగ సవరణల వల్ల 21 ఏళ్ల యువత స్థానిక సంస్థల ఎన్నికల్లో పోటీ చేసే అవకాశం పొందిందని వివరించారు. ఈ తీర్మానం ఆమోదం పొందిన తర్వాత తాను స్వయంగా ప్రధాని నరేంద్ర మోదీని కలిసి రాజ్యాంగ సవరణ కోరతానని రేవంత్ రెడ్డి ప్రకటించారు. పార్లమెంట్లో కూడా కాంగ్రెస్ ఈ అంశాన్ని లేవనెత్తుతుందని చెప్పారు. ఇండియా కూటమి భాగస్వామ్య పక్షాల మద్దతు కూడగట్టి కేంద్రంపై ఒత్తిడి తీసుకువస్తామని వెల్లడించారు.
నీట్ ఉద్యమానికి మద్దతు
నీట్ వివాదంపై జరిగిన జెన్ జీ ఉద్యమాన్ని రేవంత్ రెడ్డి ప్రశంసించారు. విద్యార్థుల నిరసనల వల్లే కేంద్ర ప్రభుత్వం తన వైఖరిని మార్చుకోవాల్సి వచ్చిందని వ్యాఖ్యానించారు. కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా కూడా ఆ ఉద్యమ ఫలితమేనని అన్నారు. నిరసనల్లో పాల్గొన్న విద్యార్థులపై నమోదైన కేసులను వెంటనే ఉపసంహరించుకోవాలని డిమాండ్ చేశారు. నీట్ వివాదంతో ఇబ్బందులు ఎదుర్కొన్న కుటుంబాలకు తగిన న్యాయం, పరిహారం అందించాలని కూడా కేంద్ర ప్రభుత్వాన్ని కోరారు.
#RevanthReddy #MLA #MP #AgeLimit21 #YouthInPolitics #ElectionReforms #Telangana #LokSabha #AssemblyElections #Constitution
