ఆర్ఎస్ఎస్ చీఫ్ మోహన్ భగవత్ సందేశం.
జెన్ జెడ్ యువత ఆవేదన నిజమైనదేనని, వారి సమస్యలను నిర్లక్ష్యం చేయకుండా వినాల్సిన అవసరం ఉందన్నారు ఆర్ఎస్ఎస్ చీఫ్ మోహన్ భగవత్.
ముంబైలో జరిగిన ఐఐఎంయూఎన్ యువజన సదస్సులో ఆయన చేసిన వ్యాఖ్యలు దేశవ్యాప్తంగా చర్చనీయాంశంగా మారాయి. ప్రజాస్వామ్యంలో నిరసన కూడా చర్చలో భాగమేనని, ఏకాభిప్రాయం సాధించే మార్గంగా దాన్ని చూడాలని పేర్కొన్నారు. నేటి యువత ప్రతి అంశంపై లాజికల్ సొల్యూషన్స్ కోరుతోందని, వారి ప్రశ్నలకు సమాధానం చెప్పాల్సిన బాధ్యత సమాజంపైనే ఉందన్నారు. రాజ్యాంగం చూపిన మార్గంలోనే ఉద్యమాలు సాగాలని సూచించిన ఆయన, యువత ఎందుకు ఆవేదన వ్యక్తం చేస్తోందో ముందుగా అర్థం చేసుకోవాలన్నారు. సోషల్ మీడియాను నిషేధించడం పరిష్కారం కాదని, స్వీయ క్రమశిక్షణతో పాటు నిజానిజాలు ధృవీకరించే అలవాటు పెంచుకోవాలని సూచించారు. నకిలీ వీడియోలు, తప్పుడు సమాచారంతో సాంకేతికత దుర్వినియోగం పెరుగుతున్న నేపథ్యంలో ప్రతి సమాచారాన్ని అధికారిక వనరులతో నిర్ధారించుకోవాలని హెచ్చరించారు. విద్యకు, జీడీపీలో 6 శాతం వ్యయం చేయాలన్న డిమాండ్కు మద్దతు ప్రకటించిన భగవత్, విద్య వ్యాపారం కాకూడదని స్పష్టం చేశారు. ఉద్యోగాలకే పరిమితం కాకుండా యువతలో వ్యాపార ఆలోచనలను కూడా ప్రోత్సహించాలని సూచించారు. యువత సమస్యలు, సోషల్ మీడియా బాధ్యత, విద్య, ఉపాధి వంటి కీలక అంశాలపై భగవత్ చేసిన ఈ వ్యాఖ్యలు ప్రస్తుతం విస్తృత చర్చకు దారితీశాయి.
#MohanBhagwat #RSS #GenZ #YouthIssues #IndianYouth #IIMUN #Democracy #YouthVoices #EducationReform #Employment #SocialMedia #DigitalResponsibility #IndiaNews #PoliticalNews #CurrentAffairs #YouthEmpowerment #Technology #EducationPolicy #NationalNews #LatestNews
