ఖైరతాబాద్ రాజకీయాల్లో ఎమ్మెల్యే అనర్హత, ఎన్నికల పిటిషన్‌, ఉపఎన్నికల అంశాలు మరోసారి చర్చకు వచ్చాయి. తాజాగా మాజీ ఎమ్మెల్యే దానం నాగేందర్‌ తనపై వచ్చిన అనర్హత వేటుపై స్పందించారు. అఫిడవిట్‌లో సమాచారం సరిగా ఇవ్వలేదన్న కారణంతో తాను అనర్హతకు గురికాలేదని స్పష్టం చేశారు. మరో పార్టీ తరఫున పోటీ చేయడం వల్లే అనర్హత వేటు పడిందని తెలిపారు. ఈ పరిణామం వస్తుందని తనకు ముందే తెలుసని, పార్టీ నిర్ణయం మేరకే తాను రాజకీయ పోరాటం చేశానని చెప్పారు. విజయారెడ్డి దాఖలు చేసిన ఎన్నికల పిటిషన్‌పై గతంలోనే కోర్టులో అఫిడవిట్‌ సమర్పించిన విషయాన్ని కూడా దానం గుర్తుచేశారు. దీంతో ఖైరతాబాద్ ఉపఎన్నికపై కొనసాగుతున్న ఉత్కంఠకు ఆయన వ్యాఖ్యలు మరింత ప్రాధాన్యం సంతరించుకున్నాయి.
విజయారెడ్డి పిటిషన్‌తో ఉత్కంఠ
గత అసెంబ్లీ ఎన్నికల్లో ఖైరతాబాద్ నుంచి బీఆర్ఎస్ అభ్యర్థిగా దానం నాగేందర్‌ గెలుపొందారు. తర్వాత రాజకీయ పరిణామాల్లో ఆయన మరో పార్టీకి మారడంతో అనర్హత వేటు పడింది. దీంతో ఖైరతాబాద్ అసెంబ్లీ స్థానం ఖాళీ అయినట్లు అసెంబ్లీ సెక్రటేరియట్‌ గెజిట్‌ నోటిఫికేషన్‌ విడుదల చేసింది. ఇదే సమయంలో ఎన్నికల అఫిడవిట్‌లో సరైన వివరాలు ఇవ్వలేదని ఆరోపిస్తూ కాంగ్రెస్ నేత విజయారెడ్డి హైకోర్టును ఆశ్రయించారు. దానం ఎన్నికను రద్దు చేసి తనను ఎమ్మెల్యేగా ప్రకటించాలని ఆమె పిటిషన్‌లో కోరారు. ఈ కేసుపై తీర్పు వచ్చే వరకు ఉపఎన్నిక నిర్వహించకూడదని కూడా ఆమె కోర్టును కోరారు. ఇప్పుడు అనర్హతకు అసలు కారణంపై దానం చేసిన తాజా వ్యాఖ్యలతో ఖైరతాబాద్ ఉపఎన్నికపై రాజకీయ చర్చ మరింత వేడెక్కింది.
#DanamNagender #Khairatabad #KhairatabadBypoll #KhairatabadElection #DanamNagenderDisqualification #VijayaReddy #ElectionPetition #TelanganaPolitics #TelanganaHighCourt #BRS #Congress #AntiDefectionLaw #TenthSchedule #TelanganaElections #ECI
