జీఐ ట్యాగ్తో కుప్పడం పట్టుకు కొత్త ఊపు.
12వ జాతీయ చేనేత దినోత్సవం సందర్భంగా చీరాల నియోజకవర్గంలోని కొత్తపేటలో నిర్వహించిన కార్యక్రమంలో ముఖ్యమంత్రి నారా చంద్రబాబు నాయుడు చేనేత కుటుంబాలతో ముఖాముఖి నిర్వహించారు. కుప్పడం పట్టు చీరలకు జీఐ ట్యాగ్ రావడంతో దేశవ్యాప్తంగా గుర్తింపు పెరిగిందని, అమ్మకాలు సుమారు 30 శాతం వరకు పెరిగాయని చేనేత కుటుంబాలు సీఎంకు వివరించాయి. గత ఏడాది కుప్పడం పట్టు చీరలకు కేంద్ర ప్రభుత్వ అవార్డు రావడం గర్వకారణమని పేర్కొన్నాయి.
కొత్తపేటలోని చేనేత మగ్గం యూనిట్ను సందర్శించిన చంద్రబాబు, యజమాని బండారు బాలసుబ్రహ్మణ్యం స్వాగతం మధ్య కార్మికులతో మాట్లాడారు. కుప్పడం పట్టు చీరల ప్రత్యేకత, మార్కెట్ పరిస్థితులు, ఉత్పత్తి వ్యయం, విక్రయాలపై వివరాలు అడిగి తెలుసుకున్నారు. యూనిట్ విస్తరణ ద్వారా మరింత మందికి ఉపాధి కల్పించాలన్న ప్రణాళికలను కూడా పరిశీలించారు.
కంచి బోర్డర్ చీరల తయారీదారు బట్ట ధనుంజయరావుతో మాట్లాడిన సీఎం, ప్రభుత్వ పథకాల ప్రభావాన్ని తెలుసుకున్నారు. నెలకు 200 యూనిట్ల ఉచిత విద్యుత్తు, రూ.25 వేల ఆర్థిక సాయం తమకు ఎంతో ఊరటనిచ్చాయని చేనేత కార్మికులు తెలిపారు. ప్రభుత్వం జమ చేసిన ఆర్థిక సాయం తమ ఖాతాల్లో పడినట్లు మొబైల్ సందేశాలను చూపిస్తూ ఆనందం వ్యక్తం చేశారు.
వర్క్షాప్లో చీర నేస్తున్న మహిళా కార్మికురాలు బొడ్డు అరుణ పనితీరును సీఎం ఆసక్తిగా పరిశీలించారు. చేనేత రంగాన్ని మరింత బలోపేతం చేసేందుకు ప్రభుత్వం అండగా ఉంటుందని భరోసా ఇచ్చారు. ప్రభుత్వ సహకారంతో జీవనోపాధికి భద్రత లభిస్తోందని చేనేత కుటుంబాలు సంతోషం వ్యక్తం చేశాయి.
#KuppadamSilk #GITag #ChandrababuNaidu #HandloomWeavers #NationalHandloomDay #Chirala #Kothapeta #AndhraPradesh #KuppadamSarees #HandloomIndia #WeaversWelfare #HandloomIndustry #SilkSarees #GIRecognition
