పోలీస్ స్టేషన్కు పంచాయితీ!
అనసూయ పేరు చెబితేనే సోషల్ మీడియా అలర్ట్ అవుతుంది.. ఇప్పుడు బోరబండ పోలీస్ స్టేషన్ పేరు కూడా యాడ్ అయింది! ఓ వైపు యాంకరింగ్.. మరోవైపు యాక్టింగ్.. ఇంకోవైపు సోషల్ మీడియా కామెంట్స్.. ఇలా ఎక్కడ మైక్ కనిపించినా మసాలా కంటెంట్ రెడీ అన్నట్టుగా పరిస్థితి మారింది. తాజాగా ‘జై శ్రీరామ్’ నినాదం చుట్టూ ఆమె చేసిన వ్యాఖ్యలపై బీజేపీ నేతలు ఫైర్ అయ్యారు. హిందూ మతంపై అనుచిత వ్యాఖ్యలు చేశారంటూ బోరబండ పోలీస్ స్టేషన్లో ఫిర్యాదు చేశారు. దీంతో సోషల్ మీడియాలో మొదలైన వివాదం పోలీస్ స్టేషన్ మెట్లెక్కింది. ఇక్కడ ట్విస్ట్ ఏంటంటే.. బీజేపీ నేతలు యాక్షన్ కోరుతుంటే.. అనసూయ మాత్రం బ్యాక్ఫుట్లోకి వెళ్లడం లేదు. తాను చేసిన వ్యాఖ్యలకు కట్టుబడి ఉన్నానంటోంది.
స్టేషన్లో పంచాయితీ.. సీన్ రివర్స్!
బీజేపీ నేతల ఆరోపణ ఏంటంటే.. అనసూయ వ్యాఖ్యలు కోట్లాది మంది హిందువుల మనోభావాలను దెబ్బతీశాయని. అందుకే చట్టపరమైన చర్యలు తీసుకోవాలంటున్నారు. సోషల్ మీడియాలో మతపరమైన అంశాలపై మాట్లాడేటప్పుడు జాగ్రత్తగా ఉండాలని కూడా వార్నింగ్ ఇచ్చారు. అయితే అనసూయ వర్షన్ మాత్రం వేరే. తాను ఏ మతాన్ని, ఏ వర్గాన్ని కించపరిచే ఉద్దేశంతో మాట్లాడలేదని.. కొందరి ప్రవర్తనను మాత్రమే ప్రశ్నించానని ఆమె వివరణ ఇచ్చారు. పైగా తన మాటలను కావాలనే కట్ చేసి, వక్రీకరిస్తున్నారని ఆరోపించారు. “నా మాటలతో దొంగలంతా బయటకు వస్తున్నారు” అంటూ విమర్శకులకు కౌంటర్ ఇచ్చినట్లు సమాచారం. దీంతో సీన్ సాధారణ సోషల్ మీడియా గొడవలా కాకుండా.. పోలీస్ కంప్లైంట్ దశకు చేరింది. ఇప్పుడు అసలు హాట్ టాపిక్ ఏంటంటే.. ఈ ఫిర్యాదుపై పోలీసులు తదుపరి ఏం చేస్తారు? అనసూయకు నోటీసులు వస్తాయా? వివాదం ఇంకెంత దూరం వెళ్తుంది? అన్నదే. మొత్తానికి ఒక కామెంట్.. రెండు వర్గాల కౌంటర్లు.. చివరికి పోలీస్ స్టేషన్! టాలీవుడ్లో ఈ ఎపిసోడ్ ఇప్పుడు హాట్ టాపిక్గా మారింది.
అనసూయ తగ్గేదేలే.. కేసు ఎటు?
ఇప్పటికే అనసూయ తన వ్యాఖ్యలపై వెనక్కి తగ్గే ప్రసక్తి లేదన్నట్టుగా స్పందించారు. తాను చెప్పిన విషయానికి కట్టుబడి ఉన్నానని స్పష్టం చేశారు. మరోవైపు బీజేపీ నేతలు మాత్రం చట్టపరమైన చర్యలు తీసుకోవాల్సిందే అని డిమాండ్ చేస్తున్నారు. పోలీసుల పరిశీలనలో వీడియో క్లిప్పులు, వ్యాఖ్యల నేపథ్యం కీలకంగా మారే అవకాశం ఉంది.
#Anasuya #AnasuyaBharadwaj #JaiShriRam #AnasuyaControversy #PoliceComplaint #BJP #BJPLeaders #BorabandaPolice #Tollywood #TeluguCinema #SocialMediaControversy #HinduSentiments #TelanganaNews #EntertainmentNews #ViralNews
