ఆంధ్రప్రదేశ్ ఈ శతాబ్దంలోనే అత్యంత తక్కువ వర్షపాతాన్ని ఎదుర్కొనే దశకు చేరుకున్న వేళ.. సెప్టెంబర్ రెండో భాగంలో కురుస్తున్న వర్షాలు రాష్ట్రానికి కీలక ఊరటనిస్తున్నాయి. భవిష్యత్లో తలెత్తే తీవ్ర నీటి సమస్యలకు ఈ వర్షాలు కొంత ఉపశమనం కలిగించే అవకాశం ఉంది. అక్టోబర్ మొదటి వారం వరకు వర్షాలు కొనసాగే సూచనలున్నాయి. రాబోయే తీవ్ర వాయుగుండం ప్రభావం రేపటి నుంచి ప్రారంభమయ్యే అవకాశం ఉంది. తిరుపతి, చిత్తూరు జిల్లాల్లో అనేక ప్రాంతాలకు మంచి వర్షాలు కురిసే పరిస్థితులు కనిపిస్తున్నాయి. నెల్లూరు, ప్రకాశం, బాపట్ల జిల్లాల్లోని కొన్ని ప్రాంతాల్లోనూ భారీ వర్షాలకు అవకాశం ఉంది.
23 నుంచి 26 వరకు విస్తృత వర్షాలు
తీవ్ర వాయుగుండం ప్రభావంతో ఈ నెల 23 నుంచి 26 వరకు ఉత్తర కోస్తా, మధ్య ఆంధ్రలో పలుమార్లు వర్షాలు కురిసే అవకాశం ఉంది. విశాఖపట్నం, విజయనగరం, శ్రీకాకుళం, ఉభయ గోదావరి జిల్లాలు, గుంటూరు, ఎన్టీఆర్, కాకినాడ, కోనసీమ జిల్లాల్లో అనేక ప్రాంతాల్లో మోస్తరు నుంచి భారీ వర్షాలు నమోదయ్యే అవకాశం ఉంది. వాయుగుండం ప్రభావం ఉత్తర ఆంధ్ర వైపు కదులుతున్న కొద్దీ వర్షాల విస్తృతి కూడా అక్కడ పెరగనుంది.
#AndhraPradeshRain #APWeather #RainAlert #SevereDepression #BayOfBengal #HeavyRainfall #APRainForecast #NorthCoastalAndhra #CentralAndhra #Visakhapatnam #Vizianagaram #Srikakulam #GodavariDistricts #Guntur #Tirupati
