ఛార్జీలపై రిటైలర్ల తిరుగుబాటు.
ఎండీఆర్ భారంపై వ్యాపారుల నిరసన.
యూపీఐ చెల్లింపులపై 0.4 శాతం మర్చంట్ డిస్కౌంట్ రేట్ (ఎండీఆర్) విధించడాన్ని నిరసిస్తూ దేశవ్యాప్తంగా మొబైల్ ఫోన్ రిటైలర్లు అక్టోబర్ 2న ‘నో యూపీఐ డే’ పాటించనున్నారు. ఆల్ ఇండియా మొబైల్ రిటైలర్స్ అసోసియేషన్ (ఏఐఎంఆర్ఏ) ఈ నిరసనకు పిలుపునిచ్చింది. ఢిల్లీ-ఎన్సీఆర్ ప్రాంతంలో రిటైలర్లు తమ యూపీఐ క్యూఆర్ కోడ్లను నల్ల వస్త్రంతో కప్పి, ఆ రోజు యూపీఐ చెల్లింపులు స్వీకరించకుండా నిరసన తెలపనున్నారు.
₹2 వేలపై ఎండీఆర్ భారం
అక్టోబర్ 15 నుంచి ₹2,000కు మించిన వ్యాపారి యూపీఐ లావాదేవీలపై 0.4 శాతం రుసుము అమల్లోకి రానుంది. వ్యక్తి నుంచి వ్యక్తికి జరిగే లావాదేవీలు, చిన్న మొత్తాల చెల్లింపులకు మాత్రం ఈ ఛార్జీ వర్తించదని ప్రభుత్వం పేర్కొంది. అయితే మొబైల్ రిటైలర్లకు ఈ నిర్ణయం అదనపు ఆర్థిక భారంగా మారుతుందని ఏఐఎంఆర్ఏ ఆందోళన వ్యక్తం చేసింది.
చిన్న వ్యాపారుల ఆదాయంపై ప్రభావం
నెలకు ₹5 లక్షల నుంచి ₹30 లక్షల వరకు యూపీఐ లావాదేవీలు నిర్వహించే చిన్న మొబైల్ రిటైలర్లకు నెలకు ₹2,000 నుంచి ₹12,000 వరకు నష్టం వాటిల్లే అవకాశం ఉందని ఏఐఎంఆర్ఏ ఆర్థిక మంత్రికి ఇచ్చిన వినతిపత్రంలో పేర్కొంది. దీంతో ఇప్పటికే పరిమితంగా ఉన్న రిటైలర్ల నికర ఆదాయంలో గణనీయమైన భాగం తగ్గిపోతుందని తెలిపింది. దేశవ్యాప్తంగా చిన్న మొబైల్ వ్యాపారులపై ఈ ఛార్జీతో నెలకు సుమారు ₹40 కోట్లు, ఏడాదికి దాదాపు ₹500 కోట్ల భారం పడుతుందని అంచనా వేసింది.
‘డిజిటల్ ఇండియా’కు జీరో ఎండీఆర్
యూపీఐ వ్యవస్థకు తాము వ్యతిరేకం కాదని ఏఐఎంఆర్ఏ స్పష్టం చేసింది. డిజిటల్ ఇండియా విస్తరణకు యూపీఐ చెల్లింపులు అందరికీ అందుబాటులో ఉండాలని కోరుతోంది. వ్యాపారులపై అదనపు భారం మోపకుండా యూపీఐ మర్చంట్ చెల్లింపులను జీరో ఎండీఆర్ విధానంలో కొనసాగించాలన్నది తమ ప్రధాన డిమాండ్గా తెలిపింది. ఈ డిమాండ్తోనే గాంధీ జయంతి రోజున దేశవ్యాప్తంగా రిటైలర్లు ప్రతీకాత్మక నిరసనకు సిద్ధమవుతున్నారు.
#NoUPIDay #UPICharges #UPIMDR #MDRCharges #MobileRetailers #AIMRA #UPIProtest #DigitalPayments #UPIPayments #ZeroMDR #MerchantCharges #MobileRetailIndia #UPIIndia #RetailersProtest
