ఓటర్ల ఇబ్బందులపై లెగ్ వర్క్ .
వంద పోలింగ్ బూత్లకు టీమ్స్ :ప్రకాశ్రాజ్.
ఎన్నికల జాబితాల ప్రత్యేక సమగ్ర సవరణ ఎస్ఐఆర్పై నటుడు, కార్యకర్త ప్రకాశ్రాజ్ తీవ్ర అభ్యంతరాలు వ్యక్తం చేశారు. కర్ణాటకలో పౌరసంఘాలతో కలిసి ఆయన చేపట్టిన పరిశీలనలో దాదాపు 100 పోలింగ్ కేంద్రాలను సందర్శించి ఓటర్లకు ఎదురవుతున్న ఇబ్బందులు, గందరగోళం, జాబితాల్లోని ఆరోపిస్తున్న వ్యత్యాసాలను నమోదు చేస్తున్నట్లు తెలిపారు. సెప్టెంబర్ 30న తమ నివేదికను సమర్పిస్తామని చెప్పారు. గడువు ముగిసిన తర్వాత ఎస్ఐఆర్కు స్పందించలేకపోయిన ఓటర్ల పరిస్థితి ఏమిటని ప్రశ్నించారు. ఎస్ఐఆర్ ప్రక్రియను పూర్తిగా రద్దు చేయాలని డిమాండ్ చేశారు.
ఈసీ ఫైళ్లన్నీ కోర్టుకు ఇవ్వాలి
ఎన్నికల కమిషన్ వ్యవస్థపై ఇద్దరు ఎన్నికల కమిషనర్లు వ్యక్తం చేసిన అభ్యంతరాలను సాధారణ భిన్నాభిప్రాయాలుగా చూడకూడదని ప్రకాశ్రాజ్ అన్నారు. అవి హెచ్చరికలు, ఆవేదనగా చూడాలని పేర్కొన్నారు. ఈసీ తాజా వివరణ ఆధారాలను కప్పిపుచ్చే ప్రయత్నంగా ఉందని ఆయన ఆరోపించారు. ఐఐటీలు, ఐఐఐటీలతో ఎన్నికల జాబితా వ్యవస్థపై ప్రతిపాదిత పరిశీలన ముందుగానే చేపట్టాల్సిందని వ్యాఖ్యానించారు. ప్రస్తుత ఎన్నికల కమిషన్ బాధ్యతలు చేపట్టినప్పటి నుంచి నిర్ణయాలు, సమావేశాలు, ఉత్తర ప్రత్యుత్తరాలకు సంబంధించిన అన్ని రికార్డులను సుప్రీంకోర్టుకు సమర్పించాలని డిమాండ్ చేశారు. కర్ణాటకలో సేకరించిన ఆధారాలను సెప్టెంబర్ 30న రాష్ట్ర ప్రభుత్వానికి అందించి, అక్టోబర్ 1న ఢిల్లీలో మీడియా సమావేశం నిర్వహించనున్నట్లు తెలిపారు. అక్టోబర్ 15న జంతర్మంతర్ వద్ద బాధిత ఓటర్లతో సమావేశం నిర్వహించే ప్రణాళిక ఉందని చెప్పారు.
#PrakashRaj #SIR #KarnatakaSIR #VoterList #SpecialIntensiveRevision #ElectionCommission #VoterRights #ElectoralRoll #KarnatakaPolitics #SIRControversy #VoterGrievances #ElectoralReforms #JantarMantar #IndianPolitics #ElectionNews
