బంగ్లాదేశ్తో రెండో టెస్టులో ఆస్ట్రేలియా పేసర్ మిచెల్ స్టార్క్ చెలరేగిపోయాడు. మాకేలో జరిగిన మ్యాచ్లో బంగ్లాదేశ్ను కేవలం 64 పరుగులకే ఆలౌట్ చేయడంలో స్టార్క్ కీలక పాత్ర పోషించాడు. తొలి ఏడు ఓవర్లలోనే ఐదు వికెట్లు పడగొట్టిన అతడు, చివరకు 12 పరుగులకు ఆరు వికెట్లు తీసి అదరగొట్టాడు. లంచ్ విరామంలో స్టార్క్కు మరో ప్రత్యేక అనుభవం ఎదురైంది. ఆస్ట్రేలియా మాజీ కెప్టెన్, అతడి భార్య అలిస్సా హీలీ మైదానంలోనే స్టార్క్ను ఇంటర్వ్యూ చేసింది. “నిన్న రాత్రి డిన్నర్కు నేను డబ్బులు చెల్లించా.. ఇప్పుడు నీ వంతేనా?” అంటూ హీలీ సరదాగా ప్రశ్నించగా, “నాకంటే నువ్వే ఎక్కువ సంపాదిస్తున్నావు” అంటూ స్టార్క్ నవ్వుతూ బదులిచ్చాడు. ఈ సరదా సంభాషణ సోషల్ మీడియాలో వైరల్గా మారింది. ఇదే మ్యాచ్లో స్టార్క్ మరో ఘనత సాధించాడు. వరల్డ్ టెస్ట్ ఛాంపియన్షిప్ చరిత్రలో అత్యధిక వికెట్లు తీసిన బౌలర్గా నిలిచాడు. 56 మ్యాచ్ల్లో 230 వికెట్లతో ప్యాట్ కమిన్స్, నాథన్ లియాన్ను అధిగమించాడు.
#MitchellStarc #AlyssaHealy #Starc #Healy #AUSvsBAN #AustraliaVsBangladesh #SecondTest #TestCricket #AustraliaCricket #StarcSixWickets #WTC #WorldTestChampionship #CricketNews #ViralInterview #CricketViral #MackayTest
