పడిలేచిన కెరటంలా వైసీపీ!
నామినేషన్ల పోరులో మళ్లీ రాజకీయ వేడి.
సుప్రీంకోర్టు నిర్ణయంతో సీన్ మారుతుందా?
న్యాయస్థానం ఆదేశాలతో ఫ్యాన్ పార్టీలో ఉత్సాహం.
ఆంధ్రప్రదేశ్‌ మున్సిపల్‌ రాజకీయాల్లో ఒక్కసారిగా సీన్ మారింది! నిన్నటివరకు నామినేషన్ల వివాదంతో ఉక్కిరిబిక్కిరైన వైసీపీకి సుప్రీంకోర్టు ఆదేశాలు కొత్త ఊపిరి పోశాయా? అధికార కూటమి వ్యూహాలకు అనూహ్యమైన అడ్డంకి ఎదురైందా? 19 మున్సిపాలిటీల్లో నామినేషన్లపై చెలరేగిన వివాదం ఇప్పుడు రాష్ట్ర రాజకీయాలను కుదిపేస్తోంది. నామినేషన్లు అడ్డుకున్నారని, బెదిరింపులు, దాడులు జరిగాయని వైసీపీ చేసిన ఆరోపణల నేపథ్యంలో న్యాయస్థానం ఇచ్చిన ఆదేశాలు రాజకీయ సమీకరణాలను కొత్త మలుపు తిప్పాయి. అభ్యర్థులకు భద్రత, నామినేషన్ల గడువు పొడిగింపుపై పరిశీలన, తుది జాబితా ప్రకటనపై అక్టోబర్‌ 25 వరకు నిలుపుదల.. ఈ పరిణామాలతో ప్రతిపక్ష శిబిరంలో మళ్లీ కదలిక మొదలైంది. పుంగనూరులో పెద్దిరెడ్డి వర్గం.. ప్రొద్దుటూరులో రాచమల్లు శ్రేణులు.. రాజంపేటలో ఆకేపాటి, మేడా వర్గాలు.. తిరిగి పోరుకు సిద్ధమవుతున్నాయా? మిథున్‌రెడ్డి వ్యాఖ్యలు, రాచమల్లు హెచ్చరికలు రాజకీయ వేడిని మరింత పెంచుతున్నాయి. అయితే, ఈ పరిణామం వైసీపీకి నిజంగానే విజయవకాశాల ద్వారాలు తెరుస్తుందా? లేక న్యాయపరమైన ఊరట రాజకీయ ఫలితంగా మారడానికి ఇంకా చాలా దూరం ప్రయాణించాలా? ప్రజాస్వామ్యానికి పరీక్షగా మారిన ఈ నామినేషన్ల పోరు.. అధికార కూటమికి సవాలుగా, వైసీపీకి పునరుజ్జీవన అవకాశంగా మారుతుందా?
#YSRCP #AndhraPradeshPolitics #APMunicipalElections #SupremeCourt #NominationControversy #LocalBodyElections #CandidateProtection #Punganur #Proddatur #Rajampet #MithunReddy #PoliticalNews
