ఇందిరమ్మ టవర్స్కు ముహూర్తం ఖరారు.
ఎస్ఎంఎస్, వాట్సాప్తో నేరుగా లేఖలు.
ఇందిరమ్మ ఇండ్లు టవర్స్ ప్రాజెక్టుల్లో ఎంపికైన లబ్ధిదారులకు సెప్టెంబర్ 21 నుంచి అలాట్మెంట్ లెటర్లు జారీ చేయనున్నారు. లబ్ధిదారుల రిజిస్టర్డ్ మొబైల్ నంబర్లకు ఎస్ఎంఎస్, వాట్సాప్ ద్వారా లేఖలను నేరుగా పంపిస్తారు. తెలంగాణ హౌసింగ్ బోర్డు అధికారిక వెబ్సైట్లోనూ అలాట్మెంట్ లెటర్లు అందుబాటులో ఉంటాయి. దరఖాస్తులు, లాటరీ ఎంపికకు సంబంధించిన ఆన్లైన్ సదుపాయాలు ఇప్పటికే వెబ్సైట్లో ఉన్నాయి. ఎంపికైన వారు తమ మొబైల్ నంబర్తో పాటు వెబ్సైట్ను పరిశీలించాలని అధికారులు సూచించారు.
రాయదుర్గంలో 480 ఫ్లాట్ల నిర్మాణం
అదే రోజు శేరిలింగంపల్లి నియోజకవర్గంలోని రాయదుర్గంలో ఇందిరమ్మ ఇండ్లు టవర్స్కు మంత్రి పొంగులేటి శ్రీనివాసరెడ్డి శంకుస్థాపన చేయనున్నారు. మల్కం చెరువు వెనుక సుమారు 2.85 ఎకరాల ప్రభుత్వ, తెలంగాణ హౌసింగ్ బోర్డు భూమిలో 528 చదరపు అడుగుల విస్తీర్ణంతో 480 ఫ్లాట్లు నిర్మించనున్నారు. అర్హత కలిగిన ప్రతి లబ్ధిదారు రూ.6 లక్షలు చెల్లించాలి. ప్రభుత్వం ఒక్కో ఫ్లాట్కు రూ.5 లక్షల సబ్సిడీతో పాటు భూమి వ్యయాన్ని పూర్తిగా భరిస్తోంది.
విలువైన ప్రాంతంలో అందుబాటు గృహాలు
రాయదుర్గం–నాలెడ్జ్ సిటీ ప్రాంతంలో భూముల విలువలు భారీగా ఉన్న నేపథ్యంలో ఈ ప్రాజెక్టుకు ప్రాధాన్యత ఏర్పడింది. ఆగస్టు టీజీఐఐసీ ఈ-వేలాల్లో సమీప భూములు ఎకరాకు రూ.264 కోట్లు, రూ.269 కోట్లకు అమ్ముడయ్యాయి. ఈ ప్రమాణంతో ప్రాజెక్టు భూమి విలువ సుమారు రూ.752–767 కోట్లుగా అంచనా. సాధారణ మార్కెట్లో ఫ్లాట్ విలువ సుమారు రూ.50 లక్షలు ఉన్నా, లబ్ధిదారులకు రూ.6 లక్షలకే ఫ్లాట్ అందించేలా ప్రభుత్వం చర్యలు చేపట్టింది. సెప్టెంబర్ 21న మధ్యాహ్నం 3.30 గంటలకు జరిగే శంకుస్థాపన కార్యక్రమానికి అలాటీలు కుటుంబాలతో హాజరుకావాలని హౌసింగ్ బోర్డు కోరింది.
#IndirammaTowers #IndirammaHouses #TelanganaHousingBoard #Raidurg #480Flats #AllotmentLetters #AffordableHousing #TelanganaHousing #PonguletiSrinivasaReddy #HyderabadHousing #KnowledgeCity #HousingScheme #TelanganaGovernment #Hyderabad #TelanganaNews
