ఐపీఎల్ రిటెన్షన్ జాబితా విడుదలకు ముందు టీమిండియా స్టార్ ఆల్రౌండర్, ముంబై ఇండియన్స్ కెప్టెన్ హార్దిక్ పాండ్యా ట్రేడ్ వ్యవహారం హాట్టాపిక్గా మారింది. దేశంలోనే నంబర్ వన్ ఫాస్ట్బౌలింగ్ ఆల్రౌండర్గా గుర్తింపు ఉన్న హార్దిక్పై కోల్కతా నైట్రైడర్స్, చెన్నై సూపర్ కింగ్స్ ఆసక్తి చూపుతున్నట్లు సమాచారం. లక్నో సూపర్ జెయింట్స్, రాజస్థాన్ రాయల్స్ పేర్లు కూడా వినిపిస్తున్నాయి. అయితే ఇప్పటివరకు ట్రేడ్ చర్చలు పెద్దగా ముందుకు సాగలేదని తెలుస్తోంది. హార్దిక్ను అసలు ట్రేడ్ చేయకపోవచ్చన్న వాదన కూడా ఉంది. 2026 సీజన్లో ముంబై ఇండియన్స్ 14 మ్యాచ్ల్లో కేవలం నాలుగు విజయాలతో రెండో చివరి స్థానంలో నిలిచింది. 2024 తర్వాత హార్దిక్ సారథ్యంలో ముంబై ఆశించిన స్థాయిలో రాణించలేదు. ఇదే సమయంలో హార్దిక్ నాణ్యతపై ఎలాంటి సందేహం లేదని క్రికెట్ వర్గాలు భావిస్తున్నాయి. మాజీ క్రికెటర్ రవిచంద్రన్ అశ్విన్ కూడా ట్రేడ్ జరిగితే కేకేఆర్ నుంచి హర్షిత్ రాణా, రింకూ సింగ్లను తీసుకోవాలని ముంబైకి సూచించాడు. హార్దిక్ కేకేఆర్లో చేరితే ఆ జట్టు మరింత బలమైన బ్యాటింగ్ యూనిట్గా మారుతుందని అశ్విన్ అభిప్రాయపడ్డాడు. దీంతో రిటెన్షన్ జాబితా ముందు హార్దిక్ ట్రేడ్ వ్యవహారం ఉత్కంఠ రేపుతోంది.
#HardikPandya #HardikPandyaTrade #MumbaiIndians #MI #CSK #ChennaiSuperKings #KKR #KolkataKnightRiders #LSG #RajasthanRoyals #IPL #IPL2026 #IPLTrade #IPLRetention #RavichandranAshwin #RinkuSingh #HarshitRana #CricketNews
