యూనిట్ రూ.1.50కే.. 6,500 ఫారాలకు లబ్ధి
ఆంధ్రప్రదేశ్లో ఆక్వా రైతులకు ప్రభుత్వం ఊరటనిచ్చింది. ఆక్వా ఫారాలకు విద్యుత్ రాయితీని కొనసాగిస్తూ ఇంధనశాఖ మంగళవారం జీవో ఆర్టీ నంబర్ 57 జారీ చేసింది. అర్హత కలిగిన ఆక్వా ఫారాలకు యూనిట్ విద్యుత్ను కేవలం రూ.1.50కే అందించనుంది. కొత్తగా ప్రకటించిన ఆక్వా జోన్లలోని అర్హత కలిగిన ఫారాలతో పాటు సంబంధిత చట్టాల కింద రిజిస్టర్ అయిన ఆక్వా ఫారాలకు ఈ రాయితీ వర్తిస్తుంది. ప్రస్తుతం సుమారు 6,500 రిజిస్టర్డ్ ఆక్వా ఫారాలు ఈ ప్రయోజనం పొందనున్నాయి. భవిష్యత్తులో రిజిస్ట్రేషన్ పొందే అర్హత కలిగిన ఫారాలకు కూడా రిజిస్ట్రేషన్ తేదీ నుంచి రాయితీ వర్తింపజేయనున్నారు. 2026 జూన్ 1 నుంచి ఈ రాయితీ అమల్లోకి రానుంది. ఆక్వా ఉత్పత్తి వ్యయం పెరగడంతో ఆర్థిక ఒత్తిడిని ఎదుర్కొంటున్న రైతులకు ఈ నిర్ణయం కొంత ఉపశమనం కలిగించనుంది. అంతర్జాతీయ ఆక్వా మార్కెట్లో పోటీ ధరలు, నాణ్యతతో నిలబడేందుకు విద్యుత్ వ్యయాన్ని తగ్గించడం దోహదపడుతుందని ప్రభుత్వం భావిస్తోంది. రాయితీ విస్తరణకు సంబంధించిన తదుపరి నిర్ణయం మత్స్యశాఖ ప్రతిపాదనల పరిశీలన అనంతరం తీసుకోనుంది.
#AquaFarmers #AndhraPradesh #AquaFarms #ElectricitySubsidy #AquaSubsidy #Aquaculture #AquaSector #APGovernment #Farmers #ShrimpFarming #AquaFarming #PowerSubsidy #AquaFarmersAP #APNews #Agriculture
