అల్పపీడనంతో ఉత్తరాంధ్రకు భారీ వర్ష సూచన.
రానున్న మూడు రోజులు వర్షాలు కురిసే అవకాశం ఉందని ఏపీఎస్డీఎంఏ తెలిపింది. ఉత్తర బంగాళాఖాతంలో సెప్టెంబర్ 10న అల్పపీడనం ఏర్పడే అవకాశం ఉండటంతో ఉత్తరాంధ్రలో వర్షాలు విస్తరించే సూచనలు ఉన్నాయని పేర్కొంది. పలు ప్రాంతాల్లో ఉరుములు, పిడుగులతో కూడిన వర్షాలు కురిసే అవకాశం ఉందని వెల్లడించింది. గురువారం శ్రీకాకుళం, పార్వతీపురం మన్యం, అల్లూరి సీతారామరాజు, పోలవరం, కాకినాడ, డాక్టర్ బీఆర్ అంబేద్కర్ కోనసీమ, తూర్పుగోదావరి, తిరుపతి జిల్లాల్లో తేలికపాటి నుంచి మోస్తరు వర్షాలు పడే అవకాశం ఉందని తెలిపింది.
పిడుగులు.. ఈదురుగాలులతో అప్రమత్తం
శుక్రవారం ఉత్తరాంధ్రతో పాటు కాకినాడ, కోనసీమ జిల్లాల్లో పిడుగులతో కూడిన వర్షాలు కురిసే అవకాశం ఉందని ఏపీఎస్డీఎంఏ హెచ్చరించింది. మిగతా జిల్లాల్లో చెదురుమదురుగా తేలికపాటి వర్షాలు పడవచ్చని తెలిపింది. ఇదిలా ఉండగా, బిహార్, జార్ఖండ్, ఒడిశా, పశ్చిమ బెంగాల్, ఈశాన్య రాష్ట్రాల్లోనూ రానున్న 24 గంటల్లో భారీ వర్షాలు కురిసే అవకాశం ఉందని ఐఎండీ వెల్లడించింది. ఉత్తరాఖండ్, ఆంధ్రప్రదేశ్, తమిళనాడు, పుదుచ్చేరి, అండమాన్ నికోబార్ దీవుల్లో ఉరుములు, పిడుగుల ప్రభావం కొనసాగుతుందని పేర్కొంది. పిడుగులు, ఈదురుగాలులు వీచే సమయంలో చెట్లు, భారీ హోర్డింగ్స్ కింద ఉండొద్దని అధికారులు ప్రజలకు సూచించారు.
#APWeather #AndhraPradeshWeather #APRainAlert #HeavyRains #NorthAndhra #NorthAndhraRain #WeatherAlert #APWeatherAlert #LowPressure #BayOfBengal #RainForecast #APSDMA #IMD #Thunderstorms #LightningAlert #StrongWinds #Srikakulam #Kakinada #Konaseema #EastGodavari #Tirupati #AndhraPradeshNews #APNews
