ఆంధ్రప్రదేశ్‌లో స్థానిక సంస్థల ఎన్నికల నామినేషన్లకు సంబంధించి రాష్ట్ర ఎన్నికల సంఘం కీలక స్పష్టత ఇచ్చింది. అభ్యర్థులు నామినేషన్‌ దాఖలు చేసే సమయంలో ఎన్‌వోసీ (నిరభ్యంతర పత్రం), నో డ్యూ సర్టిఫికెట్‌ సమర్పించాల్సిన అవసరం లేదని ప్రకటించింది. నిబంధనల ప్రకారం అవసరమైన ఇతర పత్రాలను సమర్పిస్తే సరిపోతుందని వెల్లడించింది. ఎన్‌వోసీ లేదనే కారణంతో అభ్యర్థుల నామినేషన్ల స్వీకరణను నిలిపివేయరాదని ఎన్నికల అధికారులకు స్పష్టమైన ఆదేశాలు జారీ చేసింది. స్థానిక సంస్థల ఎన్నికలకు సంబంధించిన చట్టంలో ఎన్‌వోసీ తప్పనిసరి అనే నిబంధన లేదని ఎస్‌ఈసీ వివరించింది. ఈ నిర్ణయంతో అవసరం లేని పత్రాల కోసం అభ్యర్థులు ఇబ్బందులు పడకుండా నామినేషన్ల ప్రక్రియ సజావుగా సాగేందుకు అవకాశం ఏర్పడింది. ఎన్నికల అధికారులు నిబంధనలను సక్రమంగా అమలు చేయాలని, పత్రాల పేరుతో అభ్యర్థులకు అనవసర అడ్డంకులు సృష్టించకూడదని కమిషన్‌ స్పష్టం చేసింది.
#APSEC #AndhraPradesh #LocalBodyElections #NominationRules #NOC #NoDuesCertificate #MunicipalElections #ElectionCommission #CandidateNominations #APPolitics #ElectionNews
