వానిష్‌కుమార్‌ను ప్రజలు క్షమించరు.
అలాంటోడికా… రక్షణలంటూ మమత ఫైర్.
భారత ప్రజలు తమ ఓటు హక్కును కోల్పోయేలా చేసిన వారిని క్షమించరని మాజీ పశ్చిమబెంగాల్‌ సీఎం మమతా బెనర్జీ అన్నారు. ఢిల్లీలో గురువారం జరిగిన మీడియా సమావేశంలో ఆమె కేంద్రంలోని నరేంద్ర మోదీ ప్రభుత్వంపై తీవ్ర రాజకీయ విమర్శలు చేశారు. 2029 వరకు ప్రభుత్వం కొనసాగకపోవచ్చని తన అభిప్రాయాన్ని వ్యక్తం చేశారు. అయితే ఇది ఆమె రాజకీయ వ్యాఖ్య మాత్రమే. “ఆట మొదలైంది.. 2029 వరకు వేచి చూడాల్సిన అవసరం లేదని మేము భావిస్తున్నాం” అని ఆమె వ్యాఖ్యానించారు. ఈ వ్యాఖ్యలు ఇండియా కూటమి సమావేశం జరిగిన మరుసటి రోజే రావడం రాజకీయంగా ప్రాధాన్యం సంతరించుకుంది.
ఎన్నికల కమిషన్‌పై తీవ్ర ఆరోపణలు
పశ్చిమబెంగాల్‌ అసెంబ్లీ ఎన్నికల ప్రక్రియపై మమతా బెనర్జీ తీవ్ర ఆరోపణలు చేశారు. సర్ ద్వారా ఓటర్ల జాబితా సవరణను ఎన్నికల సంఘం కేంద్రీకృతంగా నిర్వహించిందని, ప్రతిపక్ష ఏజెంట్లను పోలింగ్‌ కేంద్రాల నుంచి బయటకు పంపారని ఆమె ఆరోపించారు. 4,000 ఈవీఎంలు కాలిపోయినా ఎవరిపైనా చర్యలు తీసుకోలేదని పేర్కొన్నారు. ఎన్నికల సంఘాన్ని ఆశ్రయించినా న్యాయం జరగలేదని, బాధితులతో వెళ్లిన తమ ప్రతినిధులను కూడా పట్టించుకోలేదని ఆరోపించారు. ఈ ఆరోపణలకు ఎన్నికల సంఘం వైఖరి మాత్రం భిన్నంగా ఉంది.
ఓట్ల తొలగింపుపై కీలక వాదన
సర్ సమయంలో టీఎంసీ గెలిచిన నియోజకవర్గాల్లోనే ఎక్కువ మంది ఓటర్ల పేర్లు తొలగించారని మమతా బెనర్జీ ఆరోపించారు. “మేము గెలిచిన చోట్ల నాలుగు రెట్లు ఎక్కువగా పేర్లు తొలగించారు” అని ఆమె అన్నారు. టీఎంసీ ఎంపీ అభిషేక్‌ బెనర్జీ మాట్లాడుతూ, కనీసం 150 అసెంబ్లీ నియోజకవర్గాల్లో తొలగించిన ఓటర్లు, ‘లాజికల్‌ డిస్క్రెపెన్సీ’ కేటగిరీలో ఉన్నవారి సంఖ్య ఆయా నియోజకవర్గాల గెలుపు మెజారిటీ కంటే ఎక్కువగా ఉందని ఆరోపించారు. అయితే ఎన్నికల సంఘం ప్రకారం సర్ అనంతరం తొలగింపులకు సంబంధించి పెద్ద సంఖ్యలో అప్పీలు నమోదయ్యాయి.
సీఈసీపై చర్యకు డిమాండ్‌
ప్రధాన ఎన్నికల కమిషనర్‌ జ్ఞానేశ్‌ కుమార్‌కు ఉన్న చట్టపరమైన రక్షణపై కూడా మమతా బెనర్జీ ప్రశ్నలు లేవనెత్తారు. ఎన్నికల వ్యవస్థపై ప్రజల్లో విశ్వాసం ఉండాలంటే ఓటర్ల జాబితా సవరణ, తొలగింపులు, అప్పీళ్ల ప్రక్రియపై పూర్తి పారదర్శకత అవసరమని ప్రతిపక్షం చెబుతోంది. ఇదే అంశంపై ఇండియా కూటమి దేశవ్యాప్తంగా నిరసనలకు సిద్ధమవుతోంది. మరోవైపు, ఎన్నికల సంఘం సర్ ప్రక్రియను ఓటర్ల జాబితా ఖచ్చితత్వం కోసం చేపట్టిన చర్యగా సమర్థిస్తోంది. ఈ నేపథ్యంలో ఓటర్ల తొలగింపు అంశం కేంద్ర ఎన్నికల వ్యవస్థపై కొనసాగుతున్న రాజకీయ వివాదానికి ప్రధాన కేంద్రంగా మారింది.
#MamataBanerjee #WestBengalPolitics #GyaneshKumar #ElectionCommission #SIR #VoterList #VoterRights #TMC #INDIAAlliance #2029Elections #ElectionControversy #IndianPolitics
