ఆస్ట్రేలియాతో ఇండియా ఫస్ట్ మ్యాచ్ .
2027 వన్డే ప్రపంచకప్‌కు తెరలేచే సమయం ఖరారైంది. దక్షిణాఫ్రికా, జింబాబ్వే, నమీబియా సంయుక్తంగా ఆతిథ్యమివ్వనున్న ఈ మెగా టోర్నీ షెడ్యూల్‌ను ఐసీసీ ప్రకటించింది. 2023 ప్రపంచకప్‌ ఫైనలిస్టులైన భారత్–ఆస్ట్రేలియా ఢీకొనడంతో అక్టోబర్ 7, 2027న ప్రపంచకప్‌ రణరంగం ప్రారంభం కానుంది. భారత్ గ్రూప్‌ ‘ఏ’లో చోటు దక్కించుకోగా, చిరకాల ప్రత్యర్థి పాకిస్థాన్‌, డిఫెండింగ్‌ ఛాంపియన్‌ ఆస్ట్రేలియా, అఫ్గానిస్థాన్‌, ఆతిథ్య జట్టు జింబాబ్వే, మరో క్వాలిఫయర్‌ జట్టు ఇదే గ్రూప్‌లో ఉన్నాయి. దీంతో భారత్ గ్రూప్‌లోనే హైఓల్టేజ్‌ పోరాటాలకు రంగం సిద్ధమైంది. గ్రూప్‌ ‘బి’లో ఆతిథ్య దక్షిణాఫ్రికాతో పాటు ఇంగ్లండ్‌, న్యూజిలాండ్‌, శ్రీలంక, బంగ్లాదేశ్, మరో క్వాలిఫయర్‌ జట్టు తలపడనున్నాయి. రెండు గ్రూపుల నుంచి అత్యుత్తమంగా నిలిచే ఏడు జట్లు సూపర్‌ సెవెన్‌ దశకు చేరతాయి. అక్కడి నుంచి టాప్‌-4 జట్లు సెమీఫైనల్స్‌కు దూసుకెళ్తాయి. ఇక ప్రపంచకప్‌ మహాసంగ్రామానికి నవంబర్‌ 21, 2027న జోహన్నెస్‌బర్గ్‌ వేదికగా గ్రాండ్‌ ఫినాలేతో తెరపడనుంది. భారత్ తొలి మ్యాచ్‌‌లో ఆస్ట్రేలియాతో ఢీకొట్టనుండగా, ప్రపంచవ్యాప్తంగా క్రికెట్‌ అభిమానులు ఎంతో ఆసక్తిగా ఎదురుచూస్తున్న భారత్–పాకిస్థాన్‌ సమరం అక్టోబర్ 10న జరగనుంది.
#WorldCup2027 #CricketWorldCup #ICCWorldCup2027 #IndiaVsAustralia #IndiaVsPakistan #TeamIndia #Australia #Pakistan #ICC #ODICricket #CricketNews #SouthAfrica #Zimbabwe #Namibia #WorldCupSchedule
